Yessenov University qashyqtan oqytý tehnologııasyn qoldanyp bilim berýde úlken tájirıbesi bar. Sondyqtan 7807 bilim alýshyǵa qashyqtan oqytý tehnologııasy arqyly bilim berý sapasynyń joǵary deńgeıde bolýyna jiti nazar aýdaryp otyr.
Qazir zamanǵa saı barlyq elektrondy kommýnıkasııalyq qurylǵylarda jáne mobıldi platformalarda jumys isteıtin G Suite quramyndaǵy Meet by Google Hangouts qosymshasyn ýnıversıtet bilim alýshylary qashyqtan bilim alýda ońaı qoldana alady.
Yessenov University-de Qytaı, Iran, Reseı, Pákistan, Armenııa jáne t.b. elderden kelip bilim alyp jatqan 1668 shetel azamatyna qashyqtan sapaly bilim alýyna barlyq jaǵdaı jasalýda. Jataqhanalar shetelden kelip bilim alyp jatqan jáne elimizdiń shalǵaı aýdandarynan kelgen bilim alýshylar úshin joǵary jyldamdyqtaǵy 100 mbıt/sek keń jolaqty wi-fi ınternetimen qamtamasyz etilgen.
Yessenov University bilim alýshylarǵa ońtaıly jaǵdaı jasaý úshin Meet by Google Hangouts qosymshasynda 184 vırtýaldy aýdıtorııa jasaqtalyp, ýnıversıtettiń 313 professor-oqytýshylar quramy bekitilgen sabaq kestesine sáıkes on-line formatta dáris berýde.
Ýnıversıtettiń kitaphana qory «Sıfrly Qazaqstan» baǵdarlamasyna sáıkes skanerleý arqyly elektrondy túrge aýdaryldy.
– Stýdentter elektrondy kitaphanaǵa Internetke qosylǵan kez kelgen kompıýter ne mobıldi qurylǵy arqyly qol jetkize alady. Qajetti kitapty tabý qıyndyq týǵyzbaıdy. Elektrondy kitaphananyń mindetti elementteriniń biri – satyly elektrondy katalog, ol kitapty qosý ne joıý sharalaryna baılanysty avtomatty túrde tolyqtyrylady jáne jańartylady. Sonymen qatar stýdentterge álemge áıgili Coursera, wizer sııaqty elektrondy quraldarmen sıfrly bilim berý kózderi qoljetimdi. Barlyq pánder boıynsha ýnıversıtettegi «Univer» oqý júıesine oqytýshylar tarapynan 1722 elektrondy oqytý kesheni (qazaq, orys jáne aǵylshyn tilderinde) júktelip, elektrondy jýrnalǵa baǵalar qoıylýy qarastyrylǵan, – deıdi oqý ornynyń rektory Berik Ahmetov.
Bilim alýshylardy google account jáne beıne aýtentıfıkasııalaý negizinde kestege sáıkes sabaqqa qatysýlary YU Monitoring center (monıtorıng ortalyǵy) arqyly júıeli túrde tekserilýde. Sondaı-aq stýdentter jazba jumystaryn tapsyrý úshin oqytýshylardyń korporatıvti poshtalaryna jumystaryn jiberedi. Jazba jumystardy bilim alýshynyń ózi oryndaǵanyn tekserý týraly erejege sáıkes oqý úrdisiniń tıimdiligin arttyrý men uıymdastyrýdyń sapasyn kóterý úshin bilim alýshylardyń jazba jumystardy derbes oryndaýyn baqylaý, sondaı-aq bilim alýshylardyń ózindik tártip deńgeıin arttyrý jáne zııatkerlik menshik quqyǵyn saqtaý maqsatynda «Antıplagıat» júıesi qoldanylady. Jazba jumysy qorǵaýǵa jiberilýi úshin jumysqa ruqsat berýdi qaraý kezinde jazba jumystyń túpnusqalyǵy 80%-dan asý qajet.
2017 jyly ýnıversıtet bazasynda arnaıy telestýdııa jasaqtalǵan bolatyn. Stýdııada ýnıversıtettiń úzdik oqytýshylary beıne leksııalaryn daıarlap, ýnıversıtettiń oqý platformasyna júkteledi. Budan eki jyl buryn ýnıversıtette iske qosylǵan oqý modeli arqyly stýdentter beıne-leksııalar boıynsha úıinde daıyndalyp, al sabaqta túsinbegen máseleleri boıynsha oqytýshymen pikir almasady.
Atalǵan joba boıynsha bıylǵy jyly ýnıversıtet bazasynda VR zerthanalary ashylyp, tehnıkalyq baǵyttar boıynsha vırtýaldy zerthanalar jasaqtalady.
Zamanaýı bilim berý quraldarymen jabdyqtalýdyń paıdasy bolmasa zııany joq ekenin Aqtaýdaǵy oqý ornynda der kezinde qolǵa alynǵan sharalar aıqyndaı tústi.
Mańǵystaý oblysy
