Qoǵam • 10 Sáýir, 2020

Ekspress-test jetkizdi

35 ret kórsetildi

«Bolat О́temuratov» qory Nur-Sultan men Almaty qalalyq densaýlyq saqtaý basqarmalaryna 47 myń danadan koronavırýsty anyqtaıtyn ekspress-test jıyntyǵyn tabystady. Qaıyrymdylyq uıymy jobany iske asyrýǵa
200 mıllıon teńge bóldi.

Kapıllıarlyq qan ekspress-testteri 15 mı­nýttyń ishinde COVID-19 koro­na­vı­rýsyna qatysty IgG jáne IgM antı­de­ne­leriniń oryn alǵanyn anyq­taı­dy. QHR-da óndirilgen testter Eýropa par­­lamenti men Eýropa Keńesiniń 98/79/EK me­dısınalyq dıagnostıka qural­dary jó­nindegi dırektıvasynyń qaǵı­dalaryna sáıkes jáne Almatydaǵy Orta­lyq referens-laboratorııasynda tekserý­den ótti. Bul keıbir eýropalyq elderde ha­lyqty tekserý barysynda bolǵan sapasyz testterdi qoldanýdy boldyrmaý úshin qa­jet­ti shart.

Elimizdiń Densaýlyq saqtaý mınıs­tr­liginiń sheshimi boıynsha, tegin skrı­nıng­tik testileý táýekel tobyndaǵy halyqtyń arasynda ótkiziledi. Bul sanatqa medı­sı­na­lyq jumyskerler men quqyq qorǵaý or­gandarynyń qyzmetkerleri, tumaý sımp­tomdary bar adamdar, sozylmaly aýrýy bar stasıonarlardyń pasıentteri, juqtyrǵan adammen baılanysta bolǵan, ne bolmasa juqpa oshaǵynda turyp jatqan, sondaı-aq avtobeketter arqyly shetelden keletin adamdar jatady. Ekspress-testileý medısınalyq járdem stansalarynda, stasıonarlarda, shekaralyq temir jol jáne avtokólik ótkelderi men blok-beketterde, mobıldi beketterde, jedel járdem kólekterinde jasalady. Tegin testileýge tirkelý úshin https://formcovid.eisz.kz/index.html saı­t­yn­­­­daǵy anketany toltyrý qajet.

«Aýrý juqtyrǵandardy erte anyq­taý olardyń densaýlyǵy men aına­la­syndaǵy adamdardyń densaýlyǵy úshin asa mańyzdy. Muny epıdemııanyń shyr­qaý shyńyn bastan ótkergen elder­diń tájirıbesi kórsetedi. Ýaqtyly qabyl­danǵan sharalar ınfeksııanyń taralýyn shekteýge, aýrýǵa shaldyqqan adamdardyń sanyn tómendetýge jáne ólimge ákelip soǵatyn jaǵdaılardyń sanyn barynsha azaıtýǵa múmkindik beredi», dep atap ótti «Bolat О́te­mu­ra­tov» qorynyń dırektory Marat Aıtmaǵambetov.

Koro­navırýstan tekserý bo­ıynsha mem­le­kettik baǵdarlamaǵa qol­daý kór­setýden basqa, Bolat О́te­mu­ra­tov «Ver­nyı Kapıtal» kompanııalar toby ar­qy­ly Tuńǵysh Prezıdent – Elbasy Nursultan Nazarbaevtyń bastamasy boıynsha ko­ro­na­vırýstyń taralýyna qarsy kú­re­sý jáne halyqtyń áleýmettik osal toptaryna qoldaý kórsetý maqsatymen qurylǵan «Birgemiz» qoǵamdyq qoryna qosymsha 1 mıllıon AQSh dollaryn bólgen bolatyn.

 

 

Uqsas jańalyqtar