Elbasy «Halyqqa qyzmet etýden ózge, meniń basqa taǵdyrym joq», degen bolatyn. Onyń osy sózderimen úndesip jatqan isteri búkil Qazaqstanǵa sheksiz qyzmet etýiniń joǵary dáleli. Jahandyq deńgeıde pandemııa jarııalanyp otyrǵan asa qıyn shaqta Elbasymyz ult saýlyǵy, onyń búgini men keleshegi jaıynda erekshe alańdaýshylyq bildirip, bul joly da halqymen birge ekenin dáleldedi. Rasynda da, búgin koronavırýs indeti álem jurtshylyǵyn tyǵyryqqa tirep otyr. Elimiz boıynsha kásiporyndar, zaýyttar, shaǵyn jáne orta kásipkerlik qyzmetteri májbúrli túrde toqtatyldy. Munaıdyń baǵasy da buryn-sońdy bolmaǵan eń tómengi baǵaǵa deıin quldyrady. О́zge eldermen shekaralar jabylyp, saýda-ekonomıkalyq qarym-qatynas tyıyldy. Álem elderinde jumyssyzdyq deńgeıi artyp keledi.
Álem memleketterimen qatar elimizdiń de basyna syn saǵatty sátte Elbasy halyq arasyndaǵy yntymaq-birlikke, dostyqqa erekshe zor mán berip otyr. О́ıtkeni jurt kóńili ýaıym men alańdaýshylyqqa salynǵan osy sátti óz múddesi úshin paıdalanǵysy keletin arandatýshylar joq emes. Sol sebepten Elbasy halyqty arzan, azǵyryndy áńgimelerge erýden aýlaq bolýǵa, kerisinshe ǵylym-bilimmen aınalysýǵa, árbir adamdy óz otbasyna, ata-anasyna, balalaryna, týǵan-tysqandaryna qamqor bolýǵa, olardyń ómiri men densaýlyǵyn qorǵaýǵa shaqyrdy.
Elbasy táýelsizdik jyldary densaýlyq saqtaý salasyn damytý baǵytynda júzege asyrylǵan aýqymdy jumystardyń arqasynda barlyq óńirde buryn bolmaǵan júzdegen zamanaýı aýrýhana men emhana salynǵanyn, elordada álemdik deńgeıdegi eń ozyq tehnıkalarmen jaraqtalǵan asa iri ǵylymı-medısınalyq ortalyqtardyń ashylǵanyn, onyń mamandarynyń álemniń eń damyǵan elderinde tájirıbeden ótkenin, «Bolashaq» baǵdarlamasy aıasynda oqyǵanyn aıtty. Osylaı aldyn ala qamdanýdyń nátıjesinde ult densaýlyǵyna qater tóngen búgingideı qıynshylyq zamanda juqpaly derttiń dál dıagnostıkasyn jasaý, onyń aldyn alý, naýqasty emdeý sııaqty tıisti sharalardy dárigerlerimizdiń joǵary kásibı deńgeıde atqaryp jatqanyn málimdedi.
Prezıdent Qasym-Jomart Toqaevtyń tarapynan qalyptasqan ahýalǵa barabar sharalar qabyldanyp otyr. Bul sharalar koronavırýs indetiniń taralýyn boldyrmaýǵa, aýyr ekonomıkalyq jaǵdaıda halyqtyń asa muqtaj toptaryna, ýaqytsha jumyssyz otyrǵan azamattarǵa, kóp balaly otbasylarǵa, kásipkerlerge, aýyl sharýashylyǵy salasyna alýan túrli kómekterdiń kórsetilýine baǵyttalǵan.
Elbasy búgingi Qazaqstandy Keńes Odaǵy ydyraǵan ótken ǵasyrdyń 90-jyldaryndaǵy Qazaqstanmen salystyrýǵa bolmaıtynyn aıtty. «Bizde osyndaı qıyndyq týǵanda eshkimge alaqan jaımaý úshin, urpaq qamy, el bolashaǵy úshin jınaqtalǵan Ulttyq qor men altyn-valıýta qorynda 90 mıllıard AQSh dollary bar. Retimen, únemdi paıdalanar bolsaq, ol búgin basymyzǵa túsken taǵdyr men tarıh synynan eńsemizdi tik ustap ótýimizge mol múmkindik beredi», dedi. Osy tusta Elbasy Úkimetke, barlyq jergilikti atqarýshy organdarǵa sony únemdi, ornyqty paıdalaný qajettigin, Nur Otan partııasy músheleriniń de osy bir saýapty istiń aldyńǵy qatarynan tabylýǵa tıis ekenin basa aıtty.
Qazaqstan óz táýelsizdigin alǵan alǵashqy kezeńde Elbasymyzdyń pragmatıkalyq turǵydan qabyldaǵan durys sheshimderiniń arqasynda elimiz suranys pen usynysqa negizdelgen naryqtyq ekonomıkany qalyptastyrýǵa kúsh jumsady. Qazaqstan úshin josparly ekonomıkadan naryqqa kóshýdiń ózindik qıynshylyqtary boldy. Soǵan qaramastan, biz kóshten qalmaı, boı túzedik, únemi alǵa qaraı umtyldyq. Jyldar óte naryqtyq ekonomıka elimizde iri, orta jáne shaǵyn bıznestiń damýyna negiz boldy.
О́z maqalasynda Elbasy qazaqtyń zııaly qaýymyn halyqty yntymaqqa shaqyrýǵa, óskeleń urpaqty izgilikke tárbıeleýge, al jastardy Otanǵa sheksiz qyzmet etýge úndedi.
Elbasy: «Kásipkerlerge de arnaıy aıtarym bar: sizder táýelsizdiktiń arqasynda óz isterińizdi qalyptastyryp, aıaqtaryńyzǵa nyq turdyńyzdar, mol dáýletke keneldińizder. Endi «Men elime ne beremin?» deıtin kezderińiz de keldi», dedi. Aıta ketýimiz qajet, Elbasy koronavırýsqa baılanysty budan ilgeridegi halyqqa joldaǵan úndeýinde: «Osyndaı qıyn shaqta elge kómekteskisi keletin jáne járdem bere alatyn adamdardyń qarjysy jınaqtalatyn» respýblıkalyq qor qurýdy usyndy».
Búginde Túrkistan oblysynyń ákimi О́mirzaq Shókeevtiń basshylyǵymen oblysta daǵdarysty eńserý, halyqtyń ómiri men densaýlyǵyn saqtaýǵa baǵyttalǵan ekpindi sharalar qabyldanyp, júzege asyrylýda. Elbasymyzdyń respýblıkalyq qor qurý turǵysyndaǵy usynysyn júzege asyrý aıasynda Túrkistan oblystyq máslıhatynyń depýtattary oblys aýmaǵyndaǵy barsha isker azamattarǵa, kásipkerlerge, iri kásiporyndar basshylaryna úndeý jarııalap, el basyna osyndaı kún týǵanda aıanyp qalmastan, qaterli indetti jeńýde ıyq tiresip, bar kúsh-jigerdi bir arnaǵa toǵystyryp, qoldan kelgen kómekti kórsetýde shette qalmaýǵa shaqyrdy. Osy Úndeý qyzý qoldaý tapty.
Túrkistan oblystyq máslıhatynyń depýtattary atalǵan respýblıkalyq qorǵa 147,5 mln teńge aýdardy. Sonymen qatar oblystyq máslıhat depýtattary az qamtamasyz etilgen otbasylarǵa azyq-túlik, gıgıenalyq quraldar túrinde
8,5 mln teńgeniń kómegin kórsetti. Atalǵan respýblıkalyq qorǵa depýtattar tarapynan aldaǵy ýaqytta taǵy da qarajat aýdarylatyn bolady.
Sondaı-aq búgingi tańda júrgizilip otyrǵan «Biz birgemiz!» aksııasyna da
Nur Otan partııasynyń Túrkistan oblystyq máslıhatyndaǵy fraksııasynyń músheleri belsendi túrde atsalysýda. Búginde kásipkerlerdiń qorǵa aýdarǵan qarajaty men zattaı kómekteri arqyly Túrkistan oblysy boıynsha 2 myńnan astam otbasyna 60 tonnadaı azyq-túlik, gıgıenalyq zattar toptamasy jetkizildi. Ony partııa ókilderi, Jas Otan jastar qanatynyń músheleri men erikti jastar júzege asyrýda.
Bul jerdegi maqsat – kómekke zárý, júrip-turýy qıyn turǵyndardy úıinen shyǵarmaı, kómekti jetkizý. Olardyń qatarynda tyl ardagerleri, jalǵyzbasty qarııalar, múmkindigi shekteýli jandar jáne áleýmettik jaǵdaıy óte tómen kóp balaly otbasylar bar. Atalǵan turǵyndardyń tizimin oblystyq jumyspen qamtýdy úılestirý jáne áleýmettik baǵdarlamalar basqarmasy men aýdan, qala ákimdikteri bekitti. Sondaı-aq erikti túrde memlekettik qyzmetkerler de bir kúndik jalaqylaryn aýdardy.
Túrkistan oblystyq máslıhatynyń depýtattary tek qarjylaı, zattaı kómektesip qana qoımaı, halyq arasynda sanıtarlyq-gıgıenalyq, dezınfeksııalyq sharalardy qatań ustaný turǵysynda túsindirý jumystaryn keńinen júrgizýde.
Tótenshe jaǵdaı kezinde jumyssyz qalǵan azamattarǵa qoldaý retinde eń tómengi jalaqy mólsherinde (42500 teńge) áleýmettik tólemder týraly Túrkistan oblystyq máslıhaty depýtattary barlyq aýdan, qalalarda túsindirý, nasıhattaý jumystaryn jergilikti atqarýshy organdarmen birlesip turaqty túrde atqarýda.
Memleket ýaqytsha qıyndyqtan shyǵý úshin qoldan kelgenniń bárin jasap otyr jáne jasaıdy da. Syn saǵatta men barsha qazaqstandyqtardy dana halqymyzǵa tán bıik parasattylyǵymyzben baısaldylyq tanytyp, ýaqytsha qıyndyqtarǵa berilmesten, bolattaı bekem bolýǵa, kúsh-jigerimiz ben birligimizdi bir arnaǵa toǵystyryp, daǵdarysty abyroımen eńserýge shaqyramyn!
Qaırat BALABIEV,
Túrkistan oblystyq máslıhatynyń hatshysy
