Qaýipti sıpattaǵy koronavırýstyń jaıylýy, álbette, Qazaqstan jáne álem elderiniń damýyna teris áserin tıgizedi. Bolyp jatqan jahandyq ózgerister ekonomıkalyq, azyq-túliktik qaýipsizdikti qamtamasyz etý úshin ájeptáýir kúsh salýdy qajet etedi. Osy tusta memlekettik jáne memlekettik emes organdardyń basty mindeti – el turǵyndarynyń ómir sapasy men ekonomıka jáne qarjy sektorlarynyń quldyraýyna jol bermeý.
«Árıne qalyptasyp otyrǵan jaǵdaı ońaı emes. Bul – búkil álem memleketterine túsken zor aýyrtpashylyq. Biz ony osyndaı syn saǵatta septigin tıgizetin halqymyzdyń tózimdiligi, erik-jigeri jáne ózine degen zor senimi arqasynda mindetti túrde jeńip shyǵamyz. Ol úshin bizge qajetti nárse – qarjy-qarajat, materıaldyq resýrs, tehnıka, azyq-túlik – bári bar. Alańdaıtyn, abyrjıtyn esh negiz joq», dedi Elbasy. Osy sóz bizdi sabyrǵa, tózimge shaqyrady.
Elbasy aıtqandaı, osyndaı qıyn-qystaý shaqta eldegi qoǵamdyq-saıası jaǵdaıdy shaıqaýǵa qabiletti kúshterdiń paıda bolýyna jol bermeý qajet. Taıaý jáne Orta Shyǵys, Soltústik Afrıka elderiniń tarıhı tájirıbesi kórsetkendeı, mundaı jaǵdaıdy halyqaralyq ekstremıstik jáne lańkestik uıymdar mindette túrde etnosaralyq jáne konfessııaaralyq shıelenister týdyrý úshin qoldanýy múmkin. Sondyqtan Tuńǵysh Prezıdentimizdiń paıymymen bul kezeńdi biz bilim alýǵa, ǵylymmen aınalysýǵa tıimdi jumsaı bilgenimiz jón.
Qazaqstan basshylyǵy búgingi jaǵdaıdyń kúrdeli de turaqsyz ekendigin jasyrmaıdy. Dese de, Nursultan Ábishuly óz maqalasynda osy daǵdarysty eńseretin kúshimiz de, múmkindigimiz de bar ekenin atap ótti. Elbasynyń kúsh-jigerimen Táýelsizdik jyldary Ulttyq qorymyzdy jasaqtadyq. Qazir onda 90 mıllıard dollar bar. Iаǵnı, árbir qazaqstandyqqa memleket tarapynan qajetti qamqorlyq kórsetiledi. Eń bastysy, birtutas jáne uıymshyl bolýymyz qajet.
Ábsattar DERBISÁLI,
R.B.Súleımenov atyndaǵy Shyǵystaný ınstıtýtynyń dırektory, akademık, professor
