Tótennen kelgen náýbetpen kúresýde Qazaqstan Respýblıkasynyń Prezıdenti men Úkimettiń jáne jergilikti atqarýshy organdardyń qoıyp otyrǵan qatań talaptaryn saqtaýǵa úndeıdi. Qytaı eli qatań tártiptiń arqasynda bul indetti aýyzdyqtady. Elbasy maqalasynda aǵa-urpaq ókilderine sóz arnap, olardy yntymaqty bolýǵa, ıgilikti isterdiń basynda turýǵa, salamatty ómir saltyn ustaýǵa shaqyrdy.
Elbasy jas urpaq ókilderine arnaǵan sózinde «Elimizdiń bolashaǵy sizdersizder, búgingi jas urpaq egemendigimizdiń qurdastary, aǵa urpaq ókilderi sizder úshin qolynan kelgenniń barlyǵyn jasady, endi kezek sizderde» dep senim artty.
Elbasy kásipkerlerge sóz arnady. Táýelsizdik alǵaly Elbasynyń bastamasymen qolǵa alynǵan «Qazaqstan-2050» baǵdarlamasynyń ishindegi ındýstrııalyq-ınnovasııalyq damý baǵdarlamasynyń arqasynda elimizde 1 myńnan asa kásiporyn ashyldy. Kóp kásipkerler búgingi kúni aıaǵynan turdy, endi olar men elime ne beremin degen ýaqyt keldi dedi. О́z kezeginde kásipkerler de Elbasynyń bastamasymen qurylǵan «Biz birgemiz!» qoryna BAQ málimeti boıynsha 14 mlrd teńgeden astam qarjy quıdy. Bul ıgi is ári qaraı jalǵasyn tabady dep senip otyrmyz.
Qıyn kezde beldi bekem býyp, yntymaq, birlikti berik ustap Prezıdenttiń, Úkimettiń talaptaryn oryndasaq, bul qıyndyqtan da shyǵamyz. О́ıtkeni Elbasymyz Qazaqstandy Máńgilik el bolýǵa bastaıtyn basty baǵyttardy aıqyndap berdi.
Álimjan QURTAEV,
Senat depýtaty
