El erteńine senimimizdi nyǵaıtty

Eń aldymen, bul maqalany 30 jyl boıy qalyptasqan dástúrdiń jalǵasy retinde qabyldadym. О́ıtkeni Elbasy qandaı qıyn kezeń bolsyn, halyqpen keńesip, bir-birine tirek bolyp keledi. Muny Elbasy maqalasynda «Táýelsizdik jyldary el ómiri­niń eń qıyn da kúrdeli kezeń­der­inde men kez kelgen máseleni qa­dir­mendi otandastarymmen bir­ge búk­pesiz, ashyq talqyǵa sa­lyp, týǵan halqymmen únemi oı bóli­sip kelemin» dep ózi de atap ótti.

Tuńǵysh Prezıdent jer-ja­handy qaýipti indet jaıla­ǵan qazirgi syn saǵatta da aýyrt­pa­lyqty halyqtyń sabyr­ly­ǵynyń, erik-jigeriniń arqasynda aman-esen jeńetinimizge sendiredi. Mun­daı senimdilikke negiz de joq emes. Eńseli el bolyp irgemizdi bekitken osy kúnge deıin el­di­gimiz ben birligimiz synal­ǵan ta­laı daǵdarysqa tap keldik. Elba­synyń kóshbasshylyǵymen qan­daı qıyndyq bolsyn, bárin eńserip, eldiń tutastyǵy men tu­raqtylyǵyna syzat túsirmedik.

Árıne bul maqalanyń zaýal­dy shaqtan naqty júıeli ju­mys­pen jol taýyp shyǵýdy nusqaıtyn kóregen keńeske qu­­ryl­­ǵanyn uǵynyp otyrmyz. Mu­nyń bir my­saly, Elbasy Ult­tyq qory­myz bú­­gi­ni­mizge ǵana emes, er­teńimizge degen se­­ni­mi­mizdi kúsheıte túsetinin aıtty. Ult­­tyq qor turǵanda áleýmettik saıa­sat­­ty tolyqtaı júzege asy­rýy­myzǵa múm­kin­­­di­gimiz bar. Biraq qorymyz ortaıyp qal­­mas úshin ony toltyryp otyrýdy da es­­ten shy­­ǵar­maıyq. Bul rette ekono­­­mı­­kany damytý basty nazardan túspeýi tıis.

Elbasy daǵdarys qysqan ýaqytta jedel túrde utymdy she­shim qabyldap, tıimdi refor­malar júrgizýge bolatynyn qan­sha márte dáleldep kórsetti. Sol sııaqty dál osy kezde qara­paıym maska men dezınfeksııa quraldarynyń tapshylyǵy se­zilgende, bizdiń kásipkerler naq­ty iske kirisip, osyndaı ónim­derdi ózderi de shyǵara basta­dy. Sondyqtan birligimiz bar jerde tirligimiz de tııanaqty bolyp, barlyq qıyndyqty jeńip shy­ǵamyz!

Beıbit Mamraev,

Májilis depýtaty