Marqum buryn juqtyrǵandarmen baılanysta bolǵandar qatarynan, onyń indet juqtyrǵany 16 naýryzda anyqtalǵan edi. Bul naýqastyń basqa da keselderi, atap aıtqanda ókpeniń sozylmaly obstrýktıvti derti, júrektiń sozylmaly jetkiliksizdigi men júrektiń ıshemııalyq aýrýy, stenokardııasy, arterııalyq gıpertenzııasy bolǵandyqtan, ol 18 naýryzda jansaqtaý bólimshesine ornalastyrylǵan.
Em-dom qarqyndy júrgizilgenine qaramastan, polıorgandyq jetkiliksizdiktiń – tynys alý, júrek-qan tamyrlary keselderiniń órshýinen, jaǵdaıy nasharlaı túsken.
9 sáýirde qosymsha keselderi asqyna kele, túngi saǵat 23.20-da qan aınalymy toqtady. Jarty saǵat boıy júrgizilgen reanımasııalyq is-sharalar sátsiz aıaqtalyp, saǵat 23.50-de kóz jumdy.
Negizgi dıagnozy: COVID-19 koronavırýstyq ınfeksııasynyń rastalǵan jaǵdaıy. Eki jaqty polısegmentti pnevmonııasy aýyr ótken. Eki jaqty plevrıt. О́kpeniń isinýi, Laıella sındromy.
Sondaı-aq, búgin Almatyda taǵy bir adam indet juqtyrǵany anyqtaldy, jalpy bul 122-shi jaǵdaı. Bul adam buryn juqtyrǵandarmen bolǵan 1967 jyly týǵan áıel.
Jaǵdaıy pnevmonııa saldaryna ortasha dárejede aýyr delinip otyr.
Búgingi kúni ınfeksııalyq stasıonarlarda 96 naýqas (1 oblystyq), onyń ishinde 4 bala bar. 72 naýqastyń jaı-kúıi qanaǵattanarlyq. 1 adamnyń jaǵdaıy óte aýyr, 4-ýinde – aýyr, 19 eresek adamnyń jaǵdaıy ortasha aýyr (1 oblystyq).
26 adam koronavırýstyq ınfeksııadan saýyqty.
Provızorlyq ortalyqtarda 250 adam, onyń ishinde 29-y bala, 384 azamat karantındik oqshaýlaýda, 5 306 adam úıdegi karantınde otyr.
ALMATY
