– Esterińizge sala keteıik, Almatyda koronavırýsqa qarsy kúreske tartylǵan medısına qyzmetkerlerine alǵashqy tólemder bastaldy.
Qalada 500-den astam dáriger, 1,7 myń orta medısına qyzmetkeri, 549 kishi medısına qyzmetkeri jáne 764 ózge de densaýlyq saqtaý qyzmetkeri óz tólemderin aldy.
Jalpy alǵanda, 965 mln teńge somaǵa 3557 medısına qyzmetkeri ústemaqy alady. Esepteýler 3 kúrdelilik sanaty boıynsha júrgiziledi:
1 (birinshi) táýekel tobyna COVID-19 koronavırýsy bar pasıentterge tikeleı medısınalyq kómek kórsetetin reanımasııa bólimsheleri men basqa da stasıonarlardy qosa alǵanda, ınfeksııalyq stasıonarlardyń dárigerleri, orta jáne kishi medısına qyzmetkerleri jatqyzylǵan.
Osy táýekel tobyndaǵy bir qyzmetkerge ústemeaqy mólsheri respýblıkalyq bıýdjet týraly zańda bıylǵyy qarjy jylyna belgilengen aılyq jalaqynyń jıyrma eselengen eń tómengi mólsherinen aspaıdy.
2 (ekinshi) táýekel tobyna provızorlyq stasıonarlardyń dárigerleri, orta jáne kishi medısına qyzmetkerleri, medısınalyq jedel járdem dárigerleri men feldsherleri, onyń ishinde ambýlatorııalyq-emhanalyq uıymdar, sondaı-aq dárigerler men sanıtarlyq avıasııanyń orta medısına qyzmetkerleri tartylǵan jaǵdaıda jatqyzylǵan.
Osy táýekel tobyndaǵy bir qyzmetkerge ústemeaqy mólsheri respýblıkalyq bıýdjet týraly zańda bıylǵy qarjy jylyna belgilengen aılyq jalaqynyń on eselengen eń tómengi mólsherinen aspaıdy.
3 (úshinshi) táýekel tobyna karantındik stasıonarlardyń dárigerleri, orta jáne kishi medısına qyzmetkerleri, medısınalyq jedel járdem brıgadalarynyń júrgizýshileri, sondaı-aq zerthanalardyń mamandary, epıdemııaǵa qarsy is-sharalardy júrgizýge tikeleı qatysatyn sanıtarııalyq-epıdemıologııalyq qyzmet jumyskerleri, jiti respıratorlyq vırýstyq ınfeksııalary, pnevmonııasy bar pasıentterdi qabyldaýǵa jáne epıdemııaǵa qarsy is-sharalarǵa baılanysty bıologııalyq materıaldy alýǵa jumyldyrylǵan shuǵyl stasıonarlardyń qabyldaý bólimsheleriniń jáne medısınalyq-sanıtarııalyq alǵashqy kómek uıymdarynyń qyzmetkerleri, Tótenshe jaǵdaı jónindegi jedel shtabtyń jáne oblystar, respýblıkalyq mańyzy bar qalalar men astana ákimdikteriniń aýmaqtyq shtabtarynyń músheleri, sondaı-aq blok-beketterde karantındik rejımdi qamtamasyz etetin densaýlyq saqtaý qyzmetkerleri jatady, dedi Tileýan Ábildaev.
Qalalyq balalardyń juqpaly aýrýlar aýrýhanasynyń medısına qyzmetkerlerine tólemder júrgizýge kelsek, tólemder 1 táýekel tobynyń sanatyna sáıkes barlyǵyna birdeı júrgizilmek.
ALMATY
