Katalonııalyq klýbta óner kórsetken alǵashqy kezderi týraly baıandaı kele:
«2007 jyly Terı Anrı «Barselonaǵa» aýysty. Ekeýmiz alǵash ret kıim aýstyratyn bólmede jolyqqanymyzda, biraz sasqalaqtap qalǵanym ras. Tipten, kózine de tike qaraı almadym. Osylaısha, oǵan degen ózimniń sheksiz qurmetimdi bildirgim keletin. Shyn máninde Anrı ǵalamat oıynshy edi. Jasyl alańda ol ózin tym erkin ári jeńil sezinetin. Dopty soǵýy da ońaı, oıyndaǵy ıntrıgany óltirý de esh qıyndyq týǵyzbaıtyn», - dep Messı aqtaryla sóıledi.
Fransııanyń ulttyq quramasynyń juldyzdy oıynshysy bolǵan Terı Anrı 2007-2010 jyldary «Barselonanyń» jeıdesin kıdi. Sol aralyqta 85 ret jasyl alańǵa shyǵyp, 35 gol soqty. Katalonııalyq klýbtyń sapynda eki ret Ispanııa chempıony, el kýbogy men sýperkýbogynyń ıegeri, Chempıondar lıgasynyń jeńimpazy, ÝEFA sýperkýbogynyń ıegeri jáne klýbtyń álem chempıonatynyń jeńimpazy atandy.
