Alvarestiń sózinshe, jekpe-jektiń ýaqytyn aıtpastan buryn, koronavırýs pandemııasynyń aıaqtalǵanyn kútý kerek. О́ıtkeni eki boksshynyń da aıqastaryn tikeleı efırde kórsetetin DAZN strımıngtik servısi búkil translıasııalaryn shildege deıin toqtatqan.
«Men búginge deıin Golovkınmen 24 raýnd judyryqtastym. Eger, bıznes turǵysynan qaraıtyn bolsaq, úshinshi aıqas men úshin óte paıdaly dep esepteımin. Degenmen jekpe-jek týraly aıtýǵa áli erte. Sebebi qazir barlyǵy pandemııaǵa baılanysty toqtap tur. Bizden talap etetin birden-bir nárse, osy jaǵdaıdyń aıaqtalǵanyn kútý», deıdi ol.
Eske sala keteıik, Golovkın men Alvares sharshy alańda eki ret kezdesken. 2019 jylǵy birinshi aıqas teń nátıjemen aıaqtalǵan bolsa, bir jyldan keıingi ekinshi kezdesýde «Kanelo» tóreshiler sheshimi boıynsha jeńiske jetken-di.
