«Búginde Almatyda densaýlyq saqtaý salasynyń 3,5 myńnan astam qyzmetkeri koronavırýspen kúreste aldyńǵy shepte eńbek etip júr. Dárigerler, medbıkeler, sanıtarlar men feldsherler óz densaýlyǵyna tóner qaýipke qaramastan, indettiń búkil qalaǵa taralyp ketpeýin qadaǵalaýda. Bul kúnderi medısınalyq qyzmetkerlerdi qoldaý maqsatynda olardyń jalaqysyna ústeme aqy tóleý bastaldy. Bul sheshimdi Memleket basshysynyń tapsyrmasy boıynsha Memlekettik komıssııa qabyldaǵan edi. Mundaı kómekti úsh táýekel tobyna jatqyzylǵan medısına qyzmetkerleri alýǵa quqyly. Atap aıtqanda, reanımasııa bólimshelerin qosa alǵanda, ınfeksııalyq stasıonarlardyń dárigerleri, orta jáne kishi medısınalyq qyzmetkerleri; provızorlyq stasıonarlar men jedel járdem; karantındik stasıonarlar, sanıtarlyq dárigerler, jedel járdem júrgizýshileri jáne basqalar. Tólemder áleýmettik medısınalyq saqtandyrý qorynan kezeń-kezeńimen júzege asyrylady. Ǵalamat eńbek pen janqııarlyq erlikterińiz úshin rızashylyq bildiremin. Jumysta qalyp, Sizder, ıakı aq halattaǵy abzal jandar, balalaryńyzben týǵan-týystaryńyzdy kórmeısizder. Kúsh-jiger men shydamdylyq serik bolsyn. Qala Sizderdi qoldaıdy!» dep jazdy oqshaýlanǵan shahardyń basshysy.
