Juma kúngi alǵashqy onlaın-jıyn túngi saǵat 23.50-de Almatyda jasandy ókpe jeldetkishinde aýyr jaǵdaıda jatqan 1956 jylǵy áıel adamnyń qaıtys bolǵany týraly jaısyz habardan bastalǵany belgili.
Búgin keshki saǵat 18.30 kezinde 1963 jyly týǵan er adam koronavırýstyq ınfeksııadan kóz jumdy.
Marqum buryn indet juqtarǵandarmen baılanysta bolǵan. 29 naýryzda «Eki jaqty polısegmetarly pnevmonııa» dıagnozymen jedel járdem arqyly stasıonarǵa jetkizilgen jáne osy jerde birden indetke analız alynǵan.
1 sáýirde jaǵdaıynyń nasharlaýyna baılanysty ókpeniń jasandy jeldetkishi aparatyna qosylǵan.
«Qarqyndy em-dom júrgizilgenine qaramastan, tynys joldarynyń derti, qan-tamyrlary keseli men jiti búırek jetkiliksizdigi órshı túsken. Sondaı-aq, indettiń asqynýyna pasıenttiń qant dıabetiniń ekinshi satysyndaǵy dıagnozy qosarlanǵan.
Búgin 10 sáýirde órshigen polıorgandyq jetkiliksizdikten keshki saǵat 18.00-da júrek soǵysy toqtady. Jarty saǵat boıy júrgizilgen jansaqtaý áreketter sátsiz aıaqtalyp, saǵat 18.30-da kóz jumdy», dedi Almaty qalalyq Densaýlyq saqtaý basqarmasynyń basshysy Tileýhan Ábildaev.
Marqummen baılanysta bolǵan adamdardyń barlyǵy da provızorlyq stasıonarǵa oqshaýlanǵan.
