Aımaqtar • 11 Sáýir, 2020

Brakonerler memleketke 2,5 mln teńge shyǵyn keltirgen

150 ret

kórsetildi

1 mın

oqý úshin

Soltústik Qazaqstanda koronovırýspen qatar 1-15 sáýir aralyǵynda «Bıoresýrstardy qorǵaý» repýblıkalyq jedel-profılaktıkalyq is-sharasy ótkizilýde. Polıseıler ańshylyq sharýashylyǵy jáne orman sharýashylyǵy qoryqshylarymen tyǵyz baılanysta jumys isteýde jáne bul is-sharaǵa shekarashy qyzmetkerler de tartyldy.

Jaqsybaı SAMRAT

Brakonerler memleketke 2,5 mln teńge shyǵyn keltirgen

Tártip saqshylary operasııa bastalǵannan beri Ákimshilik quqyq buzýshylyq kodekstiń 383-baby «Janýarlar dúnıesin paıdalaný talaptaryn jáne ań aýlaý qaǵıdalaryn buzý» boıynsha 10 adam ákimshilik jaýapqa tartylǵan. Ańǵa shyqqandardyń keıbireýi qarýmen, endi biri tuzaq jáne qaqpanmen saılanǵandar eken.

Birinshi toqsanda SQO-da barlyǵy 81 adam jaýapqa tartyldy. Budan basqa, zańsyz aǵash kesý faktileri boıynsha sotqa 4 ákimshilik materıal tapsyryldy. Ekologııalyq qylmystar faktileri boıynsha 9 qylmystyq is qozǵaldy. Kúdiktilerden 9 atys qarýy men 5 sýyq qarý, 35 patron alyndy. Ekologııa salasynda 9 qylmystyq is tirkeldi. Brakonerlerdiń jalpy keltirgen shyǵyny 2 mln. teńgeden asady ári budan da artyq bolýy múmkin, óıtkeni saraptamalar áli aıaqtalǵan joq.

Polıseıler TJ rejimin buzǵany úshin jaýapkershilik týraly da turǵyndardy eskertýde. Sonyń ishinde karatın kezinde tek jaqyn jerdegi dúken men dárihanaǵa, jumysqa barýǵa jáne qoqys shyǵarýǵa ǵana shyǵý múmkin ekeni aıtylýda.

Soltústik Qazaqstan oblysy