Aýdandyq «Ardagerler keńesi» qoǵamdyq birlestiginiń bastamasymen ýaq mal qurbandyqqa shalynyp, turǵyndarǵa úlestirildi. Budan bólek, aýdandaǵy meshit jamaǵaty da 2 iri qara mal eti men 21 qap un, 500 dana betperdeni 42 turmys jaǵdaıy tómen otbasylarǵa taratyp berdi. "Aýdandyq áıelder keńesi" qoǵamdyq birlestigi men birlestik janynan qurylǵan «Qajy analar» qaýymdastyǵynyń uıymdastyrýymen «Temirlan abbattandyrý» MKK-nyń 32 qyzmetkerine azyq-túlik paketteri berildi.
Al Maqtaaral aýdany Atakent kentiniń turǵyny, "Pıoner graın prodýkt" JShS-nyń Maqtaaral, Jetisaı, Keles, Saryaǵash aýdandaryndaǵy ókili, jeke kásipker Nurjan Toqjigitov 700 qap undy muqtaj jandarǵa tegin taratý úshin aýdandyq kásipkerlik bólimi tarapynan daıyndalǵan qoımaǵa tabystady. Jalpy salmaǵy 17,5 tonna bolatyn un Maqtaaral aýdanyndaǵy 2 kent pen 9 aýyldyq okrýgtegi az qamtamasyz etilgen, kópbalaly otbasylarǵa beriletin bolady.
Túrkistan oblysy
