Avıasııa salasynyń áýesqoılary áleýmettik jelide áýe kemesiniń Almatyǵa aıaldaǵanyn jarysa jazdy. Este bolsa, aty ańyzǵa aınalǵan ushaq buǵan deıin de Almaty halyqaralyq áýejaıyna eki márte toqtaǵan. Kókti tilgen aspan samuryǵy alataý baýraıyna sońǵy ret 2015 jyldyń jeltoqsan aıynda damyldaǵan edi. Ýkraına kólik strategııasy ortalyǵy habarlaǵandaı, bul – An-225 «Mrııanyń» 2018 jyldyń kúzinen bergi alǵashqy sapary.
Áıgili bort bul joly Qytaıdyń Tıanszın áýejaıynan koronovırýs pandemııasyna qarsy kúres quraldary men medısınalyq jabdyqtar tizbegin jetkizý úshin jolǵa shyqqan.
«Álemdegi eń iri júk kóligi Qytaıdan 7 mln R2 maskasy men júz myńdaǵan qorǵanys kostıýmderin jetkizbek. Jetkizý operasııasyn KGHM Polska Miedź jáne Grupa Lotos polshalyq kompanııalary uıymdastyryp otyr» dedi áýejaı qyzmeti.
1984-1988 jyldary Kıev mehanıkalyq zaýytynda jobalanǵan asa aýyr júk tasymaldaýshy ushaqty O.K. Antonov atyndaǵy tájirıbelik-konstrýktorlyq bıýro jasap shyǵarǵan. Saǵatyna 850 shaqyrymdy artqa tastaıtyn An-225 «Mrııa» alǵash ret áýege 1988 jyldyń jeltoqsan aıynda kóterilgen.
