Kóktem mezgilinde qazaqstandyqtar alańdardy, saıabaqtardy aralap, serýendeýge daǵdylanǵan. Biraq bıyl tótenshe ahýalǵa baılanysty barlyq is-sharalar toqtatylyp, turǵyndarǵa úıde bolýǵa keńes berilýde. Sondyqtan ForteBank kópshilikti qýantýdyń joly retinde #SaveNauryz flesh-mobyn iske qosty.
Flesh-mobtyń talaby qarapaıym: 21-29 naýryz aralyǵynda Naýryz merekesine arnalǵan beınequttyqtaý jazyp, sodan keıin #SaveNauryz heshtegin belgilep, áleýmettik jelilerge jarııalaý kerek edi. Keıinirek qarjy uıymy flesh-mobqa qatysýdyń taǵy bir jolyn usyndy - «Kózimniń qarasy» ánin oryndap, beınege túsirý. Negizgi shart - úıde bolý.
Jaqynda ForteBank flesh-mobty qorytyndylap, Abaı ánderin eń jaqsy oryndaýshylardyń túsirilimderinen beınerolık jasap, jarııalady. Bastapqy kezderi uıymdastyrýshylar qatysýshylar kóp bolatyndyǵyna úmittengeni ras. О́ıtkeni, Qazaqstan – qonaqjaı, meıirimdi jáne ánshi el. Al aksııanyń nátıjesi olar kútken mejeden de asyp tústi. Alǵashqy kúni flesh-mobqa 1000-nan astam ár túrli jastaǵy turǵyndar qatysqan. Sharanyń sońyna deıin barlyǵy 2500 adam ózderiniń beınequttyqtaýlaryn joldapty. Osylaısha, Qazaqstan halqy birigip, bir-birine merekelik lebizderin bildirdi. Karantın jaǵdaıyna qaramastan, Naýryz meıramyn qýana qarsy aldy.
Vıdeonyń sońynda ForteBank karantın kúnderi úıinde bolǵan barlyq qazaqstandyqtarǵa alǵys aıtady jáne kez-kelgen banktik qyzmetterdi on-line rejıminde paıdalanýǵa bolatyndyǵyn eskertedi.
«Mýzyka - bul tańqalarlyq nárse. Bul bizdi biriktiredi, shabyttandyrady jáne jiger beredi. Júzdegen qazaqstandyq Abaıdyń ánin shyrqap, ony máńgilik mura ekenin dáleldedi. Olarǵa qosylyńyz, án aıtyńyz, biraq bastysy - karantın kúnderi úıde bolyńyz. Tótenshe ahýaldy tezirek jaqsartý úshin oǵan birge qarsy turýymyz kerek», - delingen Youtube-tegi vıdeoda.
