Búgingi kúni, 15 sáýirde Almatyda koronavırýstyq ınfeksııany juqtyrýdyń rastalǵan 370 jaǵdaıy tirkeldi, onyń ishinde 6-y balalar jáne úsh júkti áıel bar. Sońǵy ret baıandalǵannan bastap, qalada taǵy 24 jańa juqtyrý jaǵdaıy tirkelgen.
Sondaı-aq Almatydaǵy Ortalyq qalalyq klınıkalyq aýrýhanasynda indet juqtyrǵan medısına qyzmetkerleriniń sany 182 adamdy quraıdy.
Ortalyq qalalyq klınıkalyq aýrýhanada emdeýge jatqyzylǵan jáne emdelip jatqan barlyq pasıentterden, ıaǵnı 215 adamnan koronavırýstyq ınfeksııaǵa taldaý alyndy. О́kinishke oraı, 18 pasıenttiń taldaýlary oń nátıje berdi.
Sovid-19-y bar medısına qyzmetkerleriniń jalpy sany 218 adamdy quraıdy, onyń ishinde Ortalyq qalalyq klınıkalyq aýrýhananyń 182 qyzmetkeri, Balalar qalalyq klınıkalyq juqpaly aýrýlar aýrýhanasynyń 30 qyzmetkeri, Jedel shuǵyl medısınalyq járdem stansııasynyń 2 qyzmetkeri, №1 Qalalyq klınıkalyq aýrýhananyń 1 qyzmetkeri jáne №11, 32, 12 qalalyq emhanalardyń bir-bir qyzmetkeri bar.
Qalanyń stasıonarlarynda koronavırýstyq ınfeksııadan Almaty oblysynan pasıentti esepke ala otyryp, 311 adam emdelip jatyr.
58-i saýyǵyp aýrýhanadan shyǵaryldy, onyń ishinde 56 eresek adam jáne 2 bala bar.
253 naýqastyń jaı-kúıi – qanaǵattanarlyq. 3 adamda – aýyr, 55 eresek adamnyń jaı-kúıi aýyrlyqtyń orta dárejesinde.
Provızorlyq gospıtaldarda 343 adam, onyń ishinde 11-i bala bar, karantındik oqshaýlaýda – 419, úı karantıninde – 7097 adam otyr.
Qazirgi ýaqytta megapolıste shuǵyl kómekti eki stasıonar – № 7 jáne №4 Qalalyq klınıkalyq aýrýhana kórsetýde.
Ortalyq qalalyq aýrýhana dezınfeksııalyq tazalaý jumystaryn júrgizýge jabyldy.
ALMATY
