Respýblıkalyq onlaın sharaǵa Ulttyq komıssııa janyndaǵy Orfografııalyq jumys tobynyń músheleri jáne elimizdegi joǵary oqý oryndarynyń ǵalymdary qatysty.
Onlaın is-sharanyń maqsaty – álipbıdi jetildirýge baılanysty ǵalymdardyń usynystaryn ortaǵa salý, pikir almasý. Onyń ishinde keıbir dybystardyń tańbalanýyn ǵylymı turǵydan pysyqtaý.
Is-shara barysynda jetildirilgen álipbı quramyndaǵy /ý / ı / i / tańbalarynyń y, i jáne ı dybystarynyń mánin berýdegi dybystyq mazmuny talqylandy, y men i dybysyn tańbalaýda áripterdiń turqy uqsas bolýy kerek degen pikirler men ı dybysy úshin y tańbasy alynǵany durys degen ýájder ǵylymı talqynyń negizi boldy. Sonymen birge otyrysta joǵaryda atalǵan tańbalardyń dybystyq mazmuny jeke jáne ózara sabaqtastyqta taldanyp, ǵalymdar tarapynan naqty pikirler men usynystar aıtyldy.
Osy onlaın is-sharadaǵy pikirler men usynystar boıynsha aldaǵy ýaqytta saraptaý jumystary júrgiziletin bolady.
