Qazaqstan • 15 Sáýir, 2020

«Astana Operanyń» eksklıýzıvti spektaklderi alǵash ret onlaın kórsetiledi

293 ret

kórsetildi

1 mın

oqý úshin

18 sáýir men 10 mamyr aralyǵynda Kennet Makmıllannyń horeografııasyndaǵy «Manon», Raımondo Rebektiń horeografııasyndaǵy «Qazirgi sát qansha ýaqytqa sozylady?», «Bethoven – Máńgilik – Mahabbat» (kompozıtordyń 250 jyldyǵyna arnalǵan), Rolan Petıdiń horeografııasyndaǵy «Koppelııa» baletteri jáne «Astana Operanyń» taǵy da basqa jaýharlarynalǵash ret TengriTVdan onlaın tamashalaýǵa bolady.

Nazerke JUMABAI

«Astana Operanyń» eksklıýzıvti spektaklderi alǵash ret onlaın kórsetiledi

Eske salar bolsaq, qoıylym toby avtorlyq quqyqtaryn shekteýine baılanysty «Astana Opera» teatry trýppasynyń oryndaýyndaǵy osynaý spektaklderdiń buǵan deıin translıasııasy júrgizilmegen edi. Alaıda, karantın ýaqytynda onlaın-kórsetilimge ruqsat alynyp, endi kórermen aýdıtorııasy álemdik klassıka jaýharlaryn tolyqqandy tamashalaý múmkindigine ıe boldy.

Budan bólek, kórermen qaýym V.Mosart, O.Respıgı, J.Bıze, P.Chaıkovskıı, Dj.Verdı jáne basqa aıtýly tulǵalardyń shyǵarmalaryn «Astana Operanyń» bas dırıjeri Alan Bóribaevtyń «Italııadan kelgen hattar» avtorlyq jobasynan tyńdaı alady. Áıgili dırıjerdiń taǵy bir aýqymdy jobasy – G.Malerdiń № 8 Sımfonııasy dúnıe júzinde zor rezonans týdyrdy. Eske salar bolsaq, oǵan 1 000-nan astam mýzykant qatysqan edi.

«A.Vıvaldı men A.Pıassollanyń: Jyldyń segiz mezgili», sondaı-aq K.Orftyń «Karmına Býrana» syndy tanymal ári kópshiliktiń súıikti shyǵarmalary ataqty dırıjer Abzal Muhıtdınniń jetekshiligimen «Astana Operanyń» hor jánesımfonııalyq orkestr ártisteriniń oryndaýynda shyrqalady.