Aımaqtar • 15 Sáýir, 2020

Túrkistan: Turǵyndardyń 80%-y taza aýyz sýmen qamtylǵan

4206 ret

kórsetildi

1 mın

oqý úshin

Túrkistan oblysy turǵyndarynyń 80%-y taza aýyzsýmen qamtylǵan. Iаǵnı 671 eldi meken taza aýyzsý paıdalanýda. Bıyl 155 eldi mekende jańa aýyz sý júıeleri júrgiziledi. Sondaı-aq 195 eldi mekendegi aýyzsý júıeleri qaıta jańartylatyn bolady.

Ǵalymjan ELShIBAI

Túrkistan: Turǵyndardyń 80%-y taza aýyz sýmen qamtylǵan

Al tabıǵı gaz salasynda 3 jyldyq is-shara jospary bekitilgen. Soǵan sáıkes, qosymsha 92 eldi mekendi, ıaǵnı 49 myń turǵyndy tabıǵı gazben qamtamasyz etý josparlanyp otyr. Bıylqurylysy bastalǵan 30 nysannyń 20-syn aıaqtaý kózdelgen, 10 nysan kelesi jylǵa ótpeli. О́ńirlik kommýnıkasııalar qyzmetinde ótken brıfıngte oblystyq Energetıka jáne turǵyn úı-kommýnaldyq sharýashylyq basqarmasynyń basshysy Igor Alekseev Túrkistan qalasyndaǵy qurylysy aıaqtalǵan nysandar men móltek aýdandardaǵy turǵyndardy tolyǵymen tabıǵı gazǵa qosý jumystary júrgizilip jatqanyn atap ótti. Halyqty kógildir otynmen qamtamasyz etý maqsatynda, úıge deıin gaz tartý jumysy 85-105 myń teńge aralyǵynda bolyp bektilgen. Qosymsha árbir jeke úı ózine qajetti qazandyqty satyp alýy tıis.

Sondaı-aq basqarma basshysy elektrmen qamtamasyz etý salasy boıynsha bıyl 27 eldi mekendegi 19 nysannyń qurylysy aıaqtalyp, paıdalanýǵa berý josparlanyp otyrǵanyn jetkizdi. Nátıjesinde 30 myń turǵyn sapaly, turaqty elektr qýatymen qamtylatyn bolady.