Jambyl oblysynyń týmasy Fırýza Sháripova áýesqoı boksta óte tabysty óner kórsetken, tájirıbeli boksshylarymyzdyń biri. Ol 2012 jáne 2013 jyldary 60 kılo salmaqta Qazaqstan birinshiliginde top jarsa, kelesi jyly kúmis júldeger atanǵan. Sonymen qatar 2012 jyly Azııa chempıonatynyń jartylaı fınalyna deıin jetken bolatyn.
Osyndaı tabysty jetistiginen soń jerlesimiz 2016 jyly kásipqoı boksqa aýysyp, 2019 jylǵa deıin 11 jekpe-jek ótkizdi. 10 kezdesýinde qarsylastarynan basym tússe, tek bir aıqasynda reseılik boksshy Sofıa Ochıgavadan jeńilgen edi.
Sol ketken eseni qaıtarý úshin Sháripova 19 maýsymda Sofıa Ochıgavaǵa qarsy sharshy alańǵa shyqpaq. Eki boksshy arasyndaǵy jekpe-jek 58,9 kılo salmaq dárejesinde ótedi jáne 10 raýndqa josparlanǵan. Jeńiske jetken boksshy IBA belbeýin ıelenedi.
Aıta keteıik, ótken jyldyń qyrkúıek aıynda Sháripova karerasyn aıaqtaǵanyn habarlaǵan bolatyn. Al kúni keshe úlken sportqa qaıta oralǵanyn málimdedi.
