– Keshe keıbir BAQ baspa betterinde COVID-19 koronavırýsymen kúres sheńberinde epıdemııaǵa qarsy is-sharalarǵa tartylǵan medısına qyzmetkerlerine ústeme aqy tólenbegeni týraly aqparattar jarııalandy.
Atalǵan fakt boıynsha Memlekettik komıssııasynyń táýekel sanattary tizimine kiretin barlyq medısına qyzmetkerleri jumys istegen saǵattar úshin tolyq kólemde tólemder alatyndyǵyn resmı túrde habarlaımyn.
Memlekettik komıssııanyń sheshimine sáıkes, Memleket Basshysynyń tapsyrmasy boıynsha kómek alýǵa úsh táýekel tobyna jatqyzylǵan medısına qyzmetkerleri quqyly ekenin eske salamyz. Olar: reanımasııa bólimshelerin qosa alǵanda, ınfeksııalyq stasıonarlardyń, provızorlyq stasıonarlardyń jáne jedel járdemniń, karantındik stasıonarlardyń, sanıtarlyq dárigerlerdiń, jedel járdemniń júrgizýshileri jáne oshaqtarda jáne KVI bar pasıenttermen tikeleı jumys istep jatqan dárigerler, orta jáne kishi medısına qyzmetkerleri.
Keıbir medısınalyq uıymdarda, atap aıtqanda Balalar qalalyq juqpaly aýrýlar aýrýhanasynda jáne Medısınalyq jedel járdem qyzmetinde oryn alǵan áleýmettik shıeleniske baılanysty, bul Buıryqtyń negizgi erejeleri týraly, jalaqyǵa qosymsha beriletin ústemeaqy kimge tıesili jóninde jáne qyzetkerler sanaty týray men ózim jeke túsindirý jumystaryn júrgizgen bolatynmyn.
Osy buıryqtyń táýekel tobyna kirmegen qyzmetkerlerge qatysty, olar boıynsha medısınalyq uıymdardyń jalaqy qorynan qarjylaı qoldaý týraly sheshim qabyldanýda. Bul materıaldyq qoldaý medısına qyzmetkerleriniń kúshin yntalandyrý jáne qoldaý úshin mańyzdy.
Sondaı-aq, tólemder QR Salyq kodeksine sáıkes barlyq salyqtardy eskere otyryp, aılyq jumys balansynan aspaıtyn naqty jumys istegen ýaqyty úshin júrgiziletindigin eske salǵym keledi.
Qazirgi ýaqytta 3 758 qyzmetkerge, onyń ishinde 498 dárigerge, 1800 orta medısına qyzmetkerine, 624 kishi medısına qyzmetkerine jáne basqa da 836 qyzmetkerge, onyń ishinde medısınalyq jedel járdem qyzmetiniń 822 júrgizýshisine tólem júrgizildi.
Tólemderdiń jalpy somasy 1 134,8 mln. teńgeni qurady. Qazirgi ýaqytta tólemder Medısınalyq jedel járdem qyzmetiniń jumyskerlerine júrgizilýde, osylaısha 100%-ǵa deıin jetkiziletin bolady
Sovid-19-ben tikeleı jumys isteý barysynda juqtyrǵan jaǵdaıda medısına qyzmetkerlerine tólenetin tólemderge qatysty, olarǵa 2 mln. teńge kóleminde ótemaqy tólenedi. Tólem QR DSM komıssııasy epıdemıologııalyq tekserý júrgizgennen keıin júrgiziletin bolady, dedi Tileýhan Ábildaev.
ALMATY
