Sport • 17 Sáýir, 2020

Tennıs: US Open týrnıriniń taǵdyry maýsymda sheshiledi

90 ret
kórsetildi
1 mın
oqý úshin

Tennısten «Úlken dýlyǵa» sanatyna enetin álemdegi eń bedeldi týrnırdiń biri US Open dodasynyń qaı ýaqytta ótetini maýsym aıynda anyqtalmaq.

Tennıs: US Open týrnıriniń taǵdyry maýsymda sheshiledi

AQSh-tyń tennıs assosıasııasynyń dırektory (USTA) Maık Doýs týrnırdi medısına qyzmetkerlerimen keńese otyryp uıymdastyratynyn málimdedi.

«Biz týrnırdi uıymdastyrǵymyz keledi. Biraq eń birinshi sportshylar men jankúıerlerdiń densaýlyǵyn oılaǵanymyz jón. Sondyqtan aldaǵy maýsym aıynda dárigerlermen keńese otyryp, sheshim qabyldaıtyn bolamyz. Qazir kún saıyn bes-alty dárigermen kúnde baılanysyp, jaǵdaıdy nazarda ustap otyrmyz. Medısına ókilderi bir-eki aıdyń kóleminde jarysty ótkizý qaýipsiz dep tapsa, maýsym aıynda bir sheshim qabyldaımyz», deıdi Maık Doýs.

Aıta keteıik, buǵan deıin AQSh tennıs federasııasynyń basshysy Dennı Zaýsner US Open jarysy óz ýaqytynda ótedi dep málimdegen edi. AQSh-tyń Nıý-Iork qalasynda ótetin bıylǵy birinshilik 31 tamyz ben 13 qyrkúıek aralyǵyna josparlanǵan.

Sońǵy jańalyqtar