Alaıda, keıbir kezderde shuǵyl túrde qujattardy rásimdeý nemese belgili bir anyqtamalardy alý qajettigi týyndaýy múmkin. Al, barlyq HQO-lar jabylyp, onlaın rejımge kóshken. Osyǵan oraı, halyqtyń qolaılylyǵy úshin jáne azamattarǵa túrli saýaldaryna jaýap berý úshin keńes beretin 1414 call-ortalyǵy uıymdastyrylǵan. Telefon arqyly da, vıdeoqońyraý arqyly da operatorlar qalaı qyzmet alý kerektigi týraly nusqaýlyq berip, naqty qyzmet túrlerin alý barysyn túsindirip otyrady.
Belgili otandyq estrada juldyzdary men sportshylar barsha qazaqstandyqtarǵa úndeý tastap, eGov elektrondyq úkimet portalyn paıdalanýǵa jáne osy saıttan úıden shyqpaı-aq qyzmet alýǵa keńes berýde. О́ıtkeni búgingi tańda kórsetiletin barlyq memlekettik qyzmettiń 80% onlaın sanaýly ýaqyttyń ishinde alýǵa múmkindik berilgen. Avtokólikke qatysty, elektrondyq sandyq qoltańba men túrli áleýmettik tólemder eGov portaly arqyly qoljetimdi.
Sonymen qatar, esimderi dúıim jurtqa máshhúr qazaqstandyqtar qandaı qyzmet túrin alǵandyǵyn aıtyp, onlaın ádistiń tıimdiligin aıtýda.
Máselen, Qazaqstan Respýblıkasynyń eńbek sińirgen ártisi Aıjan Nurmaǵambetova: «Búgingi qysyltaıań kezde, karantın kezinde, avtokólikke jáne basqa da qajettilikterge qatysty barlyq operasııalardy eGov saıty arqyly júzege asyrýǵa bolady. Meniń júrgizýshi kýáligimniń merzimi aıaqtalǵan bolatyn, ony dál osy eGov saıty arqyly aýystyrdym. Karantın kezinde de órkenıettiń ıgilikterinen qur qalmańyzdar», dep keńes beredi. Azamattyq kózqarasy aıqyn ánshi, karantın kezinde eriktiler shtabynda, halyqqa kómek kórsetip júr eken. 
Elimizge áıgili «Dosmuqasan» ansambliniń ánshisi, Qazaqstannyń eńbek sińirgen ártisi Aqjol Meıirbekov «karantın jaǵdaıynda, otbasyńmen birge bolyp, eGov saıty arqyly qujattaryńdy retteýge bolady» dese, ánshi Búrkit, «búgingi qysyltaıań kezde kóligińizdi tirkeýge nemese soǵan qatysty barlyq operasııalardy eGov saıty arqyly úıden shyqpaı-aq júzege asyrýǵa múmkindigińiz bar. О́zińizdi, ózińizdiń densaýlyǵyńyzdy saqtańyz, jaqyndaryńyzdy saqtańyz. Barshańyzǵa sáttilik tileımin!» deıdi.
Tanymal akter Farhat Ibraımov, akter, telejúrgizýshi Rahman Omarov, ánshi Kental karantın jaǵdaıynda eGov portaly arqyly kóp máselelerdi sheshýge bolatynyn jetkizse, «Arnaý» tobynyń ánshisi Saltanat Baqaeva, jas ánshi Raıym Ýaıys ta bitpeı qalǵan sharýalaryńyzdy, karantın kezinde úıden shyqpaı-aq eGov portalyn paıdalanýmen sheshýge bolatynyn aıtady.
Mundaı oımen ánshi Serikbol Saılaýbek, dástúrli óner teatrynyń ánshisi Jasulan Musaǵalı, «OCTAGON PROMOTION» kásibı jekpe-jek uıymynyń prezıdenti Nuraddın Sadyq, MMA aralas jekpe-jek kásibı sportshysy, «Alash praıd» kásibı sport klýbynyń múshesi, belgili sport sheberi Evgenıı Egemberdıev, ASA lıgasynyń múshesi, aralas jekpe-jek sheberi Nursultan Qasymhanov,belgili telejúrgizýshi Andreı Malyshev, belgili ssenarıst, vaıner Áýez Áýezov (Turmaǵambetov), tanymal model Aınur Nurseıitova, akter Málik Ábdiramanov, ánshi-aktrısa, bloger Miss Jamba, akter Nursultan Jaqsygen jáne t.b. tanymal óner jáne sport juldyzdary bólisedi.
Olar ózderiniń beınejazba arqyly joldaǵan úndeýlerinde, qazaqstandyqtardy eGov saıtyn qoldanýǵa shaqyra otyryp, úıden shyqpaı otyryp onlaın qyzmet alý, bárimizdiń densaýlyǵymyz ben qaýipsizdigimiz úshin kerek deıdi.
«Elimizdiń óner jáne sport juldyzdary karantın kezinde eGov portalynyń artyqshylyqtaryn aıtyp, «Azamattarǵa arnalǵan úkimet» memlekettik korporasııasynyń onlaın qyzmet kórsetý úderisin qoldap, halyqty úıde otyryp qyzmet alýǵa úndep bizge beınejazbalaryn jiberýde. Elimizdegi qazirgi jaǵdaıǵa beı-jaı qaramaı, óz oılary men qoldaýlaryn jetkizip jatqan janashyr juldyzdarǵa alǵysymyz sheksiz», - deıdi Azamattarǵa arnalǵan úkimet memlekettik korporasııasy Almaty fılıalynyń PR-menedjeri Jańyl Ápetova.
