Aımaqtar • 17 Sáýir, 2020

Qaraǵandy oblysy: Karantınniń kezekti «qyzyqtary»

396 ret kórsetildi

Qaraǵandy oblysynda «jaman tumaý» juqtyrǵandardyń sany seksennen asyp, toqsanǵa jetip qaldy. Ázirge tórt adam syrqattan qulan-taza aıyǵyp shyqty. Kóbeıse degen tilek bar! Qazir karantınniń tártibine kónip, táýbasyna kelgenderdiń qatary artyp keledi. Degenmen, aınaladaǵy jaǵdaıǵa saldyr-salaq qaraıtyndar da kezdesip qalyp jatyr. Olar, árıne, azshylyq. Degenmen, bularǵa qatysty da tártiptik is-sharalar kúsheıtilse deısiń. О́ıtkeni, «Bir qumalaq bir qaryn maıdy shiritedi»... Karantındegi Qaraǵandynyń kezekti «qyzyqtarynyń» taǵy bir toptamasyn nazarlaryńyzǵa usyndyq, qadirmendi oqyrman. Úıde oqı otyryńyz!

Tótenshe jaǵdaıdaǵy bótenshe baıqaý

Koronavırýs degen páleket eki aıaqty bir etikke tyqqan myna zamanda Qaraǵandy oblysynyń tótenshe jaǵdaı jónindegi departamenti «Turmystaǵy órt qaýipsizdigi sharalary» taqyryby boıynsha beınerolıkter baıqaýyn jarııalapty.

dd

Qazirgideı tótenshe jaǵdaı jarııalanyp, karantın engizilgen qatań tártip jaǵdaıynda atalǵan vedomstvo eshteńege alańdamaı, bes qarýy túgel saı, ne nársege bolsa da daıyn otyrýy kerek. Al endi, bul departament 15-30 sáýir aralyǵynda balalar men olardyń ata-analarynan kelip túsken beınerolıkterdi saralaýmen ýaqyt ótkizse, bizderdi órtten, turmystaǵy neshe túrli oqys jaǵdaıattardan kim saqtaıdy?

Negizi, ıdeıanyń o bastaǵy muraty ońdy-aq, árıne. Balalar osy bastan opattyń qaıdan keletinin bile bersin degen jaqsy nıet qoı. Degenmen, osy baıqaýdy tótenshe jaǵdaı bitken soń da uıymdastyrýǵa bolmas pa edi? Kim biledi, balanyń aty – bala. Úıde typ-tynysh otyrǵan júgermekter karantınde qolyna smartfonyn kóldeneń ustap (kóldeneń ustap túsirý – konkýrs talabynyń biri) kóshe kezip ketpeı me degen kúdik te joq emes...

 

Sarandyqtyń «sarańdyǵyn» keshirdi

Qaraǵandyǵa seriktes qala Saranda «Vostok» degen dúkenniń ıesi osydan biraz buryn abaqtyǵa qamalǵan bolatyn. Ne úshin deısiz ǵoı? Saýdagerdiń aıaqasty sarańdyǵy ustap, menshigindegi dúkeniniń tabaldyryǵyna dezınfeksııalyq kilemshe tastamaǵan eken. Iаǵnı, tótenshe jaǵdaı rejıminiń tártibin bile tura qasaqana buzǵan...

dd

Degenmen, Djohar О́tebekov degen advokat, óńirlik kásipkerler palatasy oblystyq sotqa aryz-shaǵymdy qarsha boratyp, jeke kásipkerdi ýaqytsha ustaý ızolıatorynan bosatyp aldy.

«Jańylmaıtyn – jaq, súrinbeıtin tuıaq joq» degen bar. Dúken ıesiniń  bostandyqqa shyqqanyna biz de qýanyp qaldy. Degenmen, kásipker úshin quny kók tıyn kilemshege kelgende sarańdyǵy ustap qalǵan saýdagerge, sosyn basqa da irili-usaqty dúken ustaǵandarǵa bul oqıǵa ashy sabaq boldy-aý degen úmittemiz.

 

«Sóreniń» sory qaınamasyn...

Jezqazǵandaǵy dúkenderdiń birinde «Qaıyrymdylyq sóresi» paıda bolypty. Munyń mánisi mynada eken: mysaly qaltasynda artyq-aýys aqshasy bar kez-kelgen jomar jan azyq-túlik satyp alady eken de, ony osy sórege qoıyp ketetin kórinedi.

dd

Sonan soń, kúndelikti tirlikte kúnin áreń kórip júrgender ańdyp turyp, álgi sóreden keregin tegin alady deıdi. Qysylǵanda qaıyrymdylyq jasaýdyń tyń da tosyn túrin oılap tapqan jezqazǵandyqtarǵa «Bárekeldi!», dep bas barmaqty kórsetkennen basqa amal joq. Onyń ústine, bizge jetken aqparatqa sensek, «Aksııa qala turǵyndary arasynda qoldaý tapty: qaıyrymdylyq sóresi eshqashan bos turmaıdy», deıdi.

Degenmen, bul «Qaıyrymdylyq sóresiniń» bolashaqtaǵy taǵdyry qandaı bolmaq dep te ýaıymdaısyń. Sebebi, mundaıǵa úırenbegen bizdiń keıbir azamattar joq-jitik, kári-qurtań jetem degenshe, álgi sóreni jylan jalaǵandaı etip ketpese ıgi. Álde, polısııadan kúzet qoıa ma..?

Áıteýir, 42500 teńgeniń «jyryndaı» bolyp ketpese eken...

 

 

Qaraǵandy oblysy

 

Sońǵy jańalyqtar

Ulylar úndestigi

Qazaqstan • Keshe

Baǵa baqylanady

Qarjy • Keshe

Meıirim shuǵylasy

Rýhanııat • Keshe

Kedergisiz orta kerek

Qoǵam • Keshe

Sıfrly damý: Jańa betburys

Tehnologııa • Keshe

Mahabbat áýeni

О́ner • Keshe

Uqsas jańalyqtar