Bıyl atalǵan aımaqta 4 mln 889 myń gektar jerge jazdyq egis ótkizý josparlanýda.
Egis alqabynyń basym bóligine - 4 mln 438 myń gektar nemese 91%-y dándi-burshaqty jáne dándi daqyldy tuqym sebiledi. Onyń 3mln 734 myń gektar nemese egis alqabynyń barlyq kóleminiń 77%-na jazdyq bıdaı egiledi. Bul byltyrǵy jylmen salystyrǵan 150 myń gektarǵa artyq.
700 myń gektar jer astam arpa, suly, jasymyq jáne burshaq egýge bólingen. О́te az kólemde sharýalar tary, qaraqumyq jáne nýt sebedi.
Maıly daqyldardy 254 myń gektarǵa (2019 jylǵa qaraǵanda 600-ge artyq), aǵymdaǵy jyldyń azyqtyq shópterin 181 myń gektarǵa (3 myńǵa jýyq artyq) ornalastyrý josparlanýda, kartop jáne kókónis alqabyn 2 myń gektarǵa – 20 myńǵa deıin keńeıtedi.
Oblysta egis naýqanyna daıyndyq belsendi júrgizilýde. О́ńirde 530 myń tonna tuqym sebildi (qajettiliktiń 100,1%). Búgingi kúni akkredıttelgen zerthanalarda 425 myń tonna tuqym tekserildi.
Sondaı-aq oblys aýdandarynda sortty almastyrý jáne suryptyq jańartýdy júrgizý úshin attestattalǵan tuqym sharýashylyǵy sýbektilerinen joǵary reprodýksııaly tuqymdardy irikteý boıynsha jumystar qarqyndy júrgizilýde.
2020 jyldyń egis naýqanynda 14,3 myńnan astam traktor, 16,1 myń tuqym sepkish jáne 1,2 myń birlik ónimdiligi joǵary egis keshenderi jumys isteıtin bolady. Qazirgi ýaqytta tehnıkanyń 100% tolyq daıyn.
Kóktemgi egis jumystaryn júrgizý úshin Aqmola oblysynyń agrarlaryna 74 myń tonna dızel otyny, 7,6 myń tonna benzın jáne 4,1 myń tonna dızel maıy qajet.
Úkimet Aqmola óńiri úshin 68 myń tonna kepildi dızel otynyn bóldi, onyń ishinde Pavlodar MSZ-dan – 30 myń tonna, Shymkent munaı zaýytynan – 32 myń tonna jáne Atyraý MО́Z-nan - 6 myń tonna.
Búgingi kúni MО́Z-men naýryz aıyna – 30 myń tonnaǵa kelisim-sharttar boıynsha jasalyp, 100% tólendi, onyń óńirge 23,6 myń tonnasy nemese 78,6% tıeldi.
«Agrarlyq nesıe korporasııasy» AQ jáne kredıttik seriktestikter tómen paıyzben kóktemgi-egis jumystaryna nesıe berý máseleleri sheshildi.
«Aýyl sharýashylyǵyn qarjylaı qoldaý qory» AQ 6 mln teńgege deıingi beretin nesıe - shaǵyn sharýashylyq sýbektilerine jaqsy demeý bolady.
Budan basqa, «Azyq-túlik kelisim shart korporasııasy» UK» AQ-men birlese otyryp, ótimdi múlik kepildigimen, EDB, «Esil» ÁKK AQ kepildigimen kóktemgi-dala jumystaryna nesıe berý máselesi pysyqtalýda.
Karantındik rejımge qaramastan aǵymdaǵy jyldyń kóktemgi-egis jumystary boıynsha is-sharalar belsendi júrgizilýde.
Aýyl sharýashylyǵy tehnıkasynyń úzdiksiz qozǵalysyn qamtamasyz etý úshin, sondaı-aq tuqym materıalyn alyp kelý, janar-jaǵar maı men qosalqy bólshekterdi jetkizý úshin oblysta arnaıy algorıtmi ázirlendi.
Blok-beketterdegi keptelis boldyrmaý úshin jaýapty qyzmetter sharýalarǵa arnaıy ótinimdi berýge kómek kórsetedi.
«Jasyl dáliz» qaǵıdaty boıynsha aýyl sharýashylyǵy tehnıkalary úshin (belgilengen orynǵa deıin), sondaı-aq aýyl sharýashylyǵy tehnıkalaryn jóndeý men qyzmet kórsetýdi, tuqym materıalyn, JJM, aýyl sharýashylyǵy tehnıkalary úshin qosalqy bólshekterdi, tyńaıtqyshtardy, ósimdikterdi hımııalyq qorǵaý quraldaryn, veterınarııalyq preparattardy jáne bıologııalyq materıaldyń synamalaryn jetkizýdi júzege asyratyn otandyq jáne sheteldik kompanııalardyń avtomobılderi úshin jol júrý uıymdastyryldy.
Jergilikti jerlerde qyzmetkerlerdi kóktemgi-egis jumystaryna ortalyqtandyrylǵan biryńǵaı jetkizý máseleleri sheshilýde.
Jalpy, kóktemgi egis jumystaryna daıyndyq erekshe baqylaýda.
