Sapa men qonaqtarǵa qolaıly ári jaıly jaǵdaı jasaýdy, Túrkistannyń tarıhı-mádenı ortalyǵyn qaıta jańǵyrtý boıynsha atqarylyp jatqan jumystardyń barysyn pysyqtaǵan oblys ákimi О́mirzaq Shókeev te talap etip otyr. Kesene aýmaǵynda kóshpendiler salty men dástúrinen erekshe syr tartatyn, ortaǵasyrlyq turmystan aıryqsha kórinis beretin etnoaýyl salynady. Sondaı-aq oblys ákimi aýmaqqa alda turaqty kıiz úı turǵyzýdy tapsyrdy.
Halyqaralyq tájirıbeniń ozyq úlgileri nazarǵa alyna otyryp, «Áziret Sultan» kesheniniń múmkindikteri keńeıtilýde. Osylaısha Uly Jibek Joly dáýiri tusyndaǵy kelbeti qalpyna keltiriledi. Keseneden 700 metr qashyqtyqta turǵan Túrkistan eldi mekeniniń eń ejelgi qalashyǵy - Kúltóbe ashyq aspan astyndaǵy mýzeıge aınalady. Mavzoleıdiń memorıaldy jáne saıabaq aımaǵynda Abylaı han, Jolbarys han, Qasym han, Jánibek batyr, Qazybek bı syndy uly tulǵalar jerlengen jerler qorshalyp, bıiktetilgen. Kesene men Jeti Ata qaqpasy arasyndaǵy tarıhı kóldiń oıystary qaıta qalpyna keltirilip, tarıhı meshitke aparatyn jol, qudyq jáne Iаsaýıdiń sońǵy 20 jyl ómirin ótkizgen Qylýetke aparatyn ortaǵasyrlyq rabattar men ortalyq kósheleri qaıta jasalýda.
Oblys ákimi qasıetti keseneniń aımaǵynda eńbek etip jatqan jumysshylardyń tótenshe jaǵdaı talaptaryn qatań saqtaýyna, qurylystyń sapasyna qatysty jaýaptylarǵa tıisti nusqaýlar berdi.
Túrkistan oblysy
