Jalpy aýdanda aksııa aıasynda Nur Otan partııasy Túrkistan oblystyq fılıalynyń úılesimdi jumysynyń arqasynda demeýshilerdiń esebinen 300-den astam kópbalaly, turmysy tómen otbasyna azyq-túlik, un jáne 6000-nan astam tegin betperdeler úlestirilip, qaıyrymdylyq kómek kórsetilgen.
Jetisaı aýdandyq ájeler alqasy da qaıyrymdylyq sharalarynan tys qalmaýdy jón sanapty. Ájeler 700 dana betperde tigip, Jetisaı aýdany jumyspen qamtý jáne áleýmettik baǵdarlamalar bólimine tabys etken. Betperdeler kómekke muqtaj azamattarǵa tegin úlestirilmek. «Bizdiń bul áreketimizdi jas analar men arý qyzdarymyz qoldaýy kerek. Keste tige alatyn qyzy bar úıdiń betperde joq dep aıtýy uıat. Elge kelgen náýbetti el bolyp jumyla kóterýimiz qajet», deıdi aýdandyq ájeler alqasynyń tóraıymy Aıjamal Qońyrbaeva.
Túrkistan oblysy
