«Astana-Zelenstroı» JShS-de atap ótkendeı, elordada landshafty abattandyrý jáne kógaldandyrý jumystary jalǵasýda. Gúlzarlardy tazalaý jáne aǵashtardy kesý boıynsha jumystar belsendi júrgizilýde.
Sonymen qatar elordada japyraqty jáne qylqan japyraqty aǵashtar otyrǵyzý boıynsha josparly jumys júrgizilýde.
«Astana-Zelenstroı» JShS qyzmetkerleri elorda dańǵyldarynyń boıynda jóke, qaıyń, keń japyraqty, shyrsha,sıren, qaraǵaı jáne taǵy basqa aǵashtar otyrǵyza bastady. Olardyń barlyǵy arnaıy pıtomnıkte ósirildi. Karantın rejımine baılanysty kommýnaldyq qyzmet jumysshylary aǵash otyrǵyzý jumystaryn júrgizýde, keıin osy ıgilikti jumysqa qala turǵyndary da qatysa alady. Kóshetterdi otyrǵyzý kezinde arnaıy tehnologııa qatań saqtalýda, sapaly otyrǵyzý materıaly paıdalanylady, sondaı-aq turaqty sýarý qamtamasyz etiledi.
Sonymen qatar kommýnaldyq qyzmetter otyrǵyzylǵan kóshetterdi kútetin bolady jáne turǵyndardy elordalyq kóshetter men gúlderdi uqypty qaraýǵa shaqyrady.
Jalpy bıyl elorda aýmaǵynda 30 myńnan astam aǵash kóshetteri otyrǵyzylady. Sonymen qatar Nur-Sultan qalasynda 6 mln-nan astam gúl otyrǵyzylady.
Aıta keteıik, ótken aptada Sh. Aıtmatovtyń boıynda kommýnaldyq qyzmetter 500-den astam kóshet otyrǵyzdy.
