«Qashyqtan oqytý, bul birinshi kezekte shaǵyn jınaqty mektepter úshin tıimdi. Ol jerlerde fızıka, ınformatıka syndy pánderdiń muǵalimderi bolmaıdy. Shalǵaı aýyldardaǵy balalar úshin atalǵan pánder sapaly oqytylmaıdy. Al, qashyqtan oqytý júıesi arqyly búkil Qazaqstanǵa sabaq beretin myqty azamattardy tabýǵa múmkindik týyp otyr. Qazaqstan boıynsha jaqsy ustazdardy iriktep alsaq, bolashaqta solar arqyly teledıdardy paıdalana otyryp, shalǵaı eldi-mekenderdegi jáne shaǵyn jınaqty mektepterde sabaq júrgizý múmkindigi bar», dedi Murat Ábenov.
Sondaı-aq, onlaın pikir almasý barysynda Murat Abdýlamıtuly qashyqtan oqytý júıesi bilim salasyndaǵy básekelestikke qabilettilikti arttyryp, týǵyzǵandyǵyn jáne nátıjesinde talantty azamattardy alǵa shyǵaryp jatqandyǵyn da atap ótti.
