Jarystyń ataýynan baıqaǵanyńyzdaı, aıtýly jarys 29 jastaǵy Norvegııanyń ataqty shahmatshysy Magnýs Karlsenniń qurmetine ótýde. 13 jastan asqan shaǵynda grossmeıster dárejesine jetken Skandınavııa túbeginiń túlegi odan keıin de talaı belesterdi baǵyndyrdy. 2013 jyly ol reseılik Vladımır Kramnıkten aılasyn asyryp, álem chempıony atandy. Sol kezden beri ol bul ataqty eshkimge bergen joq.
Alǵashqy kezdesýde Magnýs Karlsen amerıkalyq Hıkarý Nakamýramen teń oınap, armageddonda shvedtiń baǵy jandy. Esep- 3:2. Kelesi básekede qytaılyq Dın Lıjen ırandyq Álıreza Fırýdjadan aılasyn asyrdy. Bul matchta 2,5:1,5 esebi tirkeldi.
Búgin amerıkalyq Fabıano Karýana reseılik Iаn Nepomnıashıımen, al fransııalyq Maksım Vashe-Lagrav nıderlandtyq Anısh Gırımen sheberlik baıqasady.
Birinshi týrdyń nátıjesi boıynsha Dın Lıjen úsh upaımen kósh bastap tur. Karlsende – 2 jáne Nakamýrada – 1 upaıdan bar. Al Fırýdjanyń qorjyny bos.
Esterińizge sala keteıik, júlde qory 250 myń AQSh dollaryn quraǵan bul týrnır 3 mamyrǵa deıin sozylady. Bas júldeni oljalaǵan oıynshy 70 myń dollardy qalatasyna basady.
