Bıylǵy Búkilálemdik sırk óneriniń tól merekesi Qazaq sırkiniń tusaýyn kesken mereıtoıymende oraılas. Bıyl Qazaq Memlekettik sırki óziniń jarty ǵasyrlyq shejiresin tarıhtyń enshisine berdi.
Sonymen sáýirdiń úshinshi aptasy Dúnıejúzilik Sırk kúni bolyp bekitilip, sonaý 2009 jyldan beri dúnıejúzindegi sırk qyzmetkerleri biraýyzdan kásibı merekeni ártúrli sharalarmen atap ótip, bir birin quttyqtap jatady. О́kinishke oraı bıylǵy jyly kóp memleketter karantındik jaǵdaıda osy merekeni túrli chelendjdermen qashyqtyqan atap ótýde.
Sırk óneri halyqaralyq óner sondyqtan da onyń aıasy óte úlken jáne eń bir qyzyǵy jer álemdegi sırk artısteri birin biri tanıdy. Ondaı tanystyq basqa óner salasynda kezdese bermeıdi. Sebebi qaýpi men qateri mol ónerge naǵyz fanattar men táýekelge bel býǵan naǵyz jankeshti eńbekqor adam ǵana kelip sonyń bar qııametine shydap, kúshtilikpen samdaǵaılyqqa týǵannan beıimi bar dara adamdar ǵana sırk artısi bola alady.
– Osy atalǵan kásibı merekemizde bıylǵy jyly kútpegen úlken tamasha jańalyq boldy!
Kásibı merekemizben Qazaqstandaǵy sırk mamandaryn Mádenıet jáne sport mınıstri Aqtoty Rahmatollaqyzy Raıymqulovanyń ózi quttyqtap jyly lebizimen sırk artısteri men mamandarynyń kóńilin kóterip kishipeıildiligi men parasattylyǵyn kórsetti. Buryn-sońdy mundaı kásibı merekemen birde bir joǵary laýazymdy qyzmetker quttyqtamaq túgil oıyna da almaǵan bolýy kerek.
Bul quttyqtaý bizdiń Qazaq memlekettik sırki úshin óte mańyzdy, sebebi bıylǵy jyl sırk óneriniń qarashańyraǵyna 50 jyl tolyp otyr. Osyǵan oraı jartyǵasyrlyq tarıhy bar qazaq sırki jaıly «Qazaqstandaǵy sırk óneriniń bastaýlary men damýy» atty alǵashqy monografııalyq kitap jazylyp kópshilikke jetkizildi.Kóp adamdardyń túsiniginde sırk óneri qazaq dalasyna kenjelep kelgen degen qate pikir qalyptasqan. Ol múldem durys emes adam balasynyń ishinde atty alǵash ret qolǵa úıretken atamyz qazaqtyń kúndelikti tirshiligimen oıyn saýyqtaǵy qoldanǵan áreketteriniń birazy sırk manejinde trıýkke aınalyp otyr. Sondyqtan sırk ónerin bóle qaraýǵa bolmaıtynyn mınıstr hanym esimizge salǵandaı.
Qurmetti kópshilik, baıqasańyzdar búgingi tańda Mádenıet mınıstrliginiń bastamalarymen talaı jaqsy sharalar uıymdastyrylyp otyrǵanyn kórýge bolady, áıtpese buryn basynan qıqý ketpegen mınıstrlik búgingi tańda júıeli jumystarymen kópshiliktiń kóńilinen shyǵyp otyr degen oıdamyn. Sebebi óz isiniń mamandary mınıstr, vıse-mınıstr myrza da taza óner adamdary jáne bar mán-jaıdy ishinen biletin ákki qyzmetkerler. Qazaq «Tyshqan soısada qasapshy soısyn» deıdi. Kez kelgen salada osyndaı óz isiniń mamandary otyrsa qııa basyp qatelespeıtinimizge kámil senem. Árıne, kórmes túıeni de kórmes degen, tyrnaq astynan kir izdep anaý bylaı bolmady, mynaý bylaı bolmady dep ker tartyp otyrsaq onda el bolýymyzǵa nuqsan keltiremiz. Osyndaı kez kelgen jaqsy dúnıeni dáriptep otyrsaq biz osyndaı jaqsy pıǵylmen jastardy tárbıeleımiz.
Qazir jastarǵa obal bolýda, olar jaqsy men jamandy ajyratýdan qalyp barady, óıtkeni qaı jerde bolmasyn bireýdi bireý qaralaý, jamandaý, sonda bizidiń jaqsylarymyz qaısy, biz bir sondaı mesheý ult emespiz ǵoı. Sondyqtan da osyndaı jaqsy dúnıelerdi kóbirek aıtsaq myna búgingi tańda elimizde beleń alyp otyrǵan indet jaǵdaıynda kóńilderi túsip kúmándi bolyp otyrǵan halyqtyń kóńili kóterilip erteńinen jaqsy úmit kútýine sebepker bolaıyq. Bul synaqtanda ótermiz, biz bir Alla degen elmiz ǵoı, qashanda qudaı degen eldiń ozatynyn eske alsaq biz barymyzǵa shúkir, joǵymyzǵa táýbe dep, shydamdylyq pen tózimdilik kórsetýz azamattyq paryzymyz, aýyzbirshilikte bolyp bir birimizge iltıpatty bolaıyq. Qazaqta bir sózge, júıege kóný degen bar soǵan birigip el bastap otyrǵan azamattarǵa arqa súıeıik. Elimiz aman jurtymyz tynysh bolsyn aǵaıyn! – deıdi Almatydaǵy Qazaq memlekettik sırkiniń dırektory Nurbaqyt Bókebaev
