Eldegi tótenshe jaǵdaıǵa baılanysty ózin-ózi jumyspen qamtyp otyrǵan kóp balaly ana retinde memleketten 42 500 teńge kóleminde áleýmettik kómek taǵaıyndaldy. Bul qarajatty alamyn dep oılaǵan joq edim. Sáýir aıynyń basynda balalardyń járdemaqysy túsetin esepshotqa aýdaryldy. Bul – qarajatqa taryǵyp, qıyn jaǵdaıǵa tap bolǵan otbasylar úshin úlken kómek. Keıingi ýaqytta azyq-túlik baǵasy qymbattap ketti. Kóp balaly otbasylar úshin ońaı emes. Osyndaı qıyn ýaqytta jasalǵan memlekettik qoldaýǵa alǵysymdy bildirgim keledi.
Svetlana JÚNÚSOVA,
kóp balaly ana
* * *
Men aspazdyń kómekshisi bolyp jumys isteımin. Sońǵy ret naýryz aıynyń 16-sy kúni jumysqa shyqtym. Sol kúnnen bastap jumys ornymyz ýaqytsha jabyldy.Tótenshe jaǵdaıdyń oryn alýyna baılanysty jumys berýshi ózi barlyq qujattarymyzdy rásimdep, tıisti mekemelerge jibergen eken. 42 500 teńge járdemaqyny alýymyzǵa solaısha qol jetkizdik. Eki balamyz bar. Joldasym jumyssyz. Memleketten berilgen kómek otbasymyzdy asyraýǵa jetedi. Karantın tezirek aıaqtalyp, jumysqa shyǵatyn kúndi asyǵa kútip otyrmyz.
Olıa OKATENKO
Pavlodar oblysy
