Soltústik Koreıa ballıstıkalyq zymyran ushyrdy

Ońtústik Koreıa áskerı qyz­metiniń habarlaýynsha, KHDR tarapy ótken seısenbide synaq jasaǵan. Bul jolǵy ballıstıkalyq zymyrandy ushyrý Soltústik Koreıanyń negizin qalaǵan Kım Ir Senniń týǵan kúnimen tuspa-tus keldi.

Wall Street Journal-dyń kel­tirgen málimetterine súıensek, bal­lıstıkalyq raketa tańǵy 07:00-de jaǵalaýǵa jaqyn ornalasqan Mıýnchon qalasynyń mańynan ushy­rylyp, Japonııamen eki ortadaǵy ashyq teńizge qulaǵan. Zymyran shamamen 150 shaqyrymdy 40 mınýtta ushyp ótken.

Aıta keterligi, bul – Soltústik Koreıa tarapy bıyldyqqa táji­rı­beden ótkizgen besinshi ballıs­tı­kalyq raketasy. Buǵan deıin Phenıan 29 naýryzda da synaq jasaǵan bolatyn.

Jalpy, 2020 jyl bastalǵaly KHDR áskerı tájirıbeni jıi ótkize bastady. Munyń negizgi sebebi el bas­shysy Kım Chen Yn AQSh-pen ara­daǵy kelisimdi budan ári qaraı saqtamaıtynyn aıtqan edi. Taıaý­da KHDR basshysy jappaı qyryp-joıý qarýynyń jańa túrin synaq­tan ótkizetinin málimdedi.

Sondaı-aq Soltústik Koreıa ótken aptada áýe kúshterin de synaq­tan ótkizdi. Ońtústik Koreıa tarapy taratqan aqparatqa súıensek, Phenıan­nan kókke kóterilgen birne­she «Sýhoı» áskerı ushaqtary «Áýe-Jer» sanatyna jatatyn raketalaryn ashyq teńizge tastaǵan.

Esterińizge salsaq, eki jyl buryn KHDR ıadrolyq qarý­laryn jıi synaqtan ótkizip, ballıs­tıkalyq zymyrandaryn tájirı­be­den ótkizgen-di. Bul BUU-nyń osy elge qatysty sheshimine túbe­geıli kereǵar áreket-tuǵyn. Soǵan baılanysty BUU Qaýipsizdik Keńesi biraýyzdan Soltústik Ko­reıaǵa sanksııa salý jóninde qarar qabyldaǵany belgili. Synaq­tardan keıin olardyń bas­ty árip­tesi Qytaı da sanksııany kú­sheıtti. Osynyń saldarynan KHDR tarapy ekonomıkalyq qıyn­dyqqa ushyrady. Oǵan qosa AQSh prezıdenti Donald Tramp pen Kım Chen Yn buqaralyq aqpa­rat quraldarynda bir-birine qatys­ty túrli sóz aıtyp, birtalaı jerge barǵany da esimizde.

Aqyry eki eldiń basshysy tarıhta alǵash ret kezdesip, ózara kelisimge keldi. Soǵan sáıkes Soltústik Koreıa tarapy ıadrolyq arsenaldan bas tartyp, qarýyn synaqtan ótkizbeýge ýáde bergen-di.

Áıtse de, sol kezde kelisimge kúdikpen qaraǵandar tabylǵan. Keı sarapshylar KHDR-dyń ıadrolyq qarýdan bas tartyp, shetel basshylarymen jıi kezdesýiniń astary mol dep esepteıtinin jetkizdi. Birinshiden, Soltústik Koreıa áldeqashan qýatty ıadrolyq qarý jasap úlgerýi múmkin. Sondyqtan atom bombasyn qaıta synaqtan ótkizýdiń qajettigi joq.

Ekinshiden, endigi baǵyt synaq jasaý emes, qurlyqaralyq zymyrandardy ushyratyn qondyrǵylar arsenalyn keńeıtýge arnalýy yqtımal. Keıingi kezde Soltústik Koreıanyń jaqyn qashyqtyqqa ushatyn ballıstıkalyq zymyrandaryn jıi ushyra bastaýy sol kezde aıtylǵan boljamnyń rastyǵyn