Foto: Erlan OMAR, «EQ»
14 naýryz kúni saǵat 10:00-de №13 orta mekteptiń (О́ndiris turǵyn alaby, Shalkóde kóshesi, 5) oqýshylary «Kórisý kúni – Amal merekesi» aksııasyn ótkizedi.
Mereke aıasynda mektep oqýshylary shaǵyn aýdanda turatyn ardager ustazdardy, zeınetkerler men tyl eńbekkerlerin arnaıy baryp quttyqtaıdy. Osy arqyly olar aǵa býyn ókilderine qurmet bildirip, alǵys aıtady.
Osy kúni saǵat 14:00-de Astana qalasynyń Dostyq úıi ǵımaratynda «Uly elimizdiń Kórisý kúni – Amal merekesi» atty ulttyq kıimdegi merekelik is-shara ótedi. Is-shara qazaq halqynyń qundylyqtary men salt-dástúrin nasıhattaýǵa, etnosaralyq tatýlyqty nyǵaıtýǵa arnalmaq.
Merekege elordalyq Qazaqstan halqy assambleıasy janyndaǵy etnomádenı birlestikter men qoǵamdyq qurylymdardyń ókilderi qatysady. Teatrlandyrylǵan baǵdarlama barysynda qazaq ánderi shyrqalyp, Qazaqstan halqynyń ulttyq taǵamdary tanystyrylady.
«Jaqsylyq jasap jarysaıyq»: Astanada zeınetkerler qaıyrymdylyq aksııasyn ótkizdi
Sonymen qatar Aqsaqaldar keńesi men Analar keńesiniń músheleri «Kórisý» dástúrin kórsetedi. Olar ulttyq salt-dástúrler týraly áńgimelep, kópshilikke aqyl-keńesin aıtyp, bata beredi.
Kórisý rásimi – uzaq ári qystan keıin kóktem qarsańynda adamdardyń qaýyshýyn, úlkenderge qurmet kórsetýdi, renishti umytyp, birlik pen meıirimdilikti dáripteýdi bildiretin taǵylymdy dástúr.
Sondaı-aq Naýryzdy kóne mádenı kod ári qazaq halqynyń ómirsheń dástúri retinde jan-jaqty tanytýǵa arnalǵan «Naýryz jylnamasy» atty ǵylymı-etnografııalyq konferensııa men kórme ótedi.
14 naýryz kúni saǵat 12:00-16:00 aralyǵynda Atatúrik saıabaǵy aýmaǵynda «Kórisý kúni – Amal merekesi» atty aýqymdy mádenı baǵdarlama uıymdastyrylady. Oǵan mádenıet qaıratkerleri, elordalyq bilim berý mekemeleriniń balalar ujymdary jáne etnomádenı ortalyqtardyń shyǵarmashylyq toptary qatysady.
Is-shara aıasynda zamanaýı AI-aımaq ta jumys isteıdi.
Astanada sıfrlandyrý jyly aıasynda «Naýryzbaı» jáne «Naýryzaı» atty avatarlary bar jasandy ıntellekt kómekshisi ázirlengen. Bul vırtýaldy keıipkerler qala turǵyndary men qonaqtaryna merekelik baǵdarlama, sondaı-aq Naýryzdyń tarıhy men dástúrleri týraly aqparat beredi.
Sonymen birge ulttyq mýzykalyq aspaptar men qoldanbaly óner buıymdarynyń kórmesi usynylady.
Astanadaǵy Ortalyq saıabaq zamanaýı talapqa saı jańǵyrtylady
Saǵat 15:00-de «Han Shatyr» saýda-oıyn-saýyq ortalyǵynda «Tartys Fest» sporttyq oıyndar festıvali bastalady. Jarysqa sportshylar, qala turǵyndary men qonaqtary qatysa alady.
Baǵdarlamada arqan tartý, kermede tartylý, qoı kóterý, sondaı-aq jasandy ıntellektke qarsy toǵyzqumalaq oınaý sııaqty saıystar ótedi.
Festıvalge 18 jastan asqan barlyq nıet bildirýshi qatysa alady. Qatysý tegin, tirkeý jarys bastalar aldynda sol jerde júrgiziledi. Jeńimpazdarǵa arnaıy syılyqtar tabystalady.
Bul festıval ulttyq sport túrlerin nasıhattaýǵa, salaýatty ómir saltyn dáripteýge jáne turǵyndardy belsendi sporttyq sharalarǵa tartýǵa baǵyttalǵan.
Sol kúni saǵat 12:00-de Saryarqa aýdanyndaǵy Qorǵaljyn skveri aýmaǵynda sporttyq-shyǵarmashylyq is-shara ótedi.
Al Ál-Farabı atyndaǵy Oqýshylar saraıynda 14-18 naýryz kúnderi halyq ertegileriniń jelisimen sahnalanǵan «NAURYZ-2026» merekelik teatrlandyrylǵan qoıylymy kórsetiledi.
Budan bólek, 14 jáne 15 naýryz kúnderi Astanada «Nauryz Sale» atty aýqymdy azyq-túlik jármeńkeleri ótedi.
Jármeńkede Qazaqstannyń túrli óńirlerinen kelgen fermerler men óndirýshilerdiń ónimderi usynylady. Qala turǵyndary men qonaqtary kókónis pen jemis-jıdek, et jáne sút ónimderi, shujyq, un, jarma, naýbaıhana ónimderi, tabıǵı shyryndar, tosap, bal jáne basqa da azyq-túlikterdi qoljetimdi baǵamen satyp ala alady.
Jármeńkeler 14-15 naýryz kúnderi saǵat 10:00-18:00 aralyǵynda myna mekenjaılarda ótedi:
• Keryen Joly saýda ortalyǵy (Alash tasjoly, 35B);
• Koktal saýda ortalyǵy (N.Tilendıev dańǵyly, 12a);
• Evrazııa saýda ortalyǵy (Q.Sátbaev kóshesi);
• Astanalyq bazar (S.Seıfýllın kóshesi, 47);
• Damu Mall (J.Nájimedenov kóshesi, 26);
• Shapaǵat bazary (Bógenbaı batyr dańǵyly, 69);
• Saýran bazary (Almaty kóshesi, 3).
Elordada uıymdastyrylatyn bul sharalar Naýryz meıramynyń mazmunyn keńinen tanytyp, ulttyq dástúrlerdi jańǵyrtýǵa jáne turǵyndardyń merekelik kóńil-kúıin arttyrýǵa baǵyttalǵan.
