Máselen megapolıstiń Áýezov aýdanynda kún saıyn 10 myń maska tıisti oryndar men muqtaj jandarǵa taratylady. Kómek alýshylar aýdannyń kóp balaly jáne az qamtylǵan januıalary men múgedek jandar. Olarǵa qajetti zattardy jetkizip berýge eriktiler de atsalysyp jatyr. Olardyń barlyǵy medısınalyq tekseristen ótip, qorǵanysh kıimderimen tolyq qamtamasyz etilgen. Atalǵan aýdannyń enshisine qor tarapynan 300 myń qorǵanysh dákesi berilgen.
Sondaı-aq, qala boıynsha «Biz birgemiz» aksııasy aıasynda muqtaj jandardyń iship-jemi de nazardan tys qalyp jatqan joq. Eń qajetti degen azyq-túlik túrleri úılerine deıin jetkizilip otyr. Tótenshe jaǵdaıǵa baılanysty qaıyrymdylyq aksııasy qalanyń ár aýdanynda qanat qaǵýda. Bul isterge eriktiler de mol úles qosýda.
