Ertegini Birikken ulttar uıymynyń gýmanıtarlyq seriktesi IASC –Vedomstvoaralyq turaqty komıteti (Inter-Agency Standing Committee) shyǵardy.
BUU Balalar qorynyń (UNICEF) atqarýshy dırektory Genrıetta For:
«Dúnıejúzindegi balalardyń ómiri bir sátte ózgerip ketti, óıtkeni olardyń kópshiligi adamdardyń júrip-turýyn shekteıtin, sondaı-aq úıden shyqpaý rejımin engizgen elderde turady. Bul keremet kitap balalardyń jańa jaǵdaıdy túsinýine jáne ony qabyldaýyna, jańa erejelerdi saqtap, batyr bolýyna kómektesedi», deıdi.
Uıymdastyrýshylar kitapty jazý úshin dúnıejúzindegi 1700-den asa baladan, olardyń ata-analarynan, tárbıeshileri men muǵalimderinen COVID-19 pandemııasy aıasynda qalaı ómir súrip jatqany týraly surap bilgen. Sol saýaldamanyń negizinde keıin kitapty birden 17 tilde basty. Ertegini qazaq tiline barlyq ruqsatyn alyp, BUU Balalar qorynyń (UNICEF) Qazaqstandaǵy ókildigi aýdardy.
Erteginiń jelisi oqyrmandy birden ózimen ilestirip áketedi.
– COVID-19 túri qandaı?, – dep surady Sara anasynan.
– COVID-19 nemese koronavırýs tym kishkentaı, onyń kishkentaı bolǵany sonsha, kózge de kórinbeıdi, dep jaýap berdi anasy.
– Sonda biz ony kórmesek, onymen kúrese almaımyz ba?, – dep surady Sara.
– Nege kúrese almaımyz? Árıne, kúrese alamyz, – dedi anasy.
Erteginiń tolyq nusqasyn myna siltemeden oqı alasyz.
Arıo degen ǵajaıyp keıipker kitap oqyrmandaryna bala ózin, otbasyn jáne dostaryn koronavırýstan qalaı qorǵaı alatynyn jáne osy ózgergen ortada týyndaǵan abyrjý men ýaıymdardy qalaı jeńýge bolatynyn túsindiredi.
