Osyndaı dúbirli dodany qabyldaýǵa Almatynyń áleýeti jetetini sózsiz. Qazirgi kezde Alataý baýraıyndaǵy ásem shaharda «Almaty Arena» men «Halyq Arena» sekildi zaman talabyna saı salynǵan záýlim keshender bar. Oǵan talaı jyldyń tarıhy bar Balýan Sholaq atyndaǵy sport saraıyn qosyńyz. Osy nysandardyń barlyǵynda da ár jyldary asa iri halyqaralyq jarystar dúrkirep turyp ótkenine dúıim jurt kýá.
Kúres túrlerinen Azııa chempıonattarynda Qazaqstan balýandarynyń jeńip alǵan júldeleri jeterlik. Máselen, bıylǵy Azııa chempıonaty Úndistannyń Nıý-Delı qalasynda ótti. Aıtýly jarysta jerlesterimiz 19 (5 altyn+2 kúmis-12 qola) medalǵa ıelik etip, jalpy komandalyq esepte tórtinshi oryndy ıelendi.
