Meıirimge muqtajdar tasada qalǵan joq

Shynynda, jyly úıde, otbasy janynda otyrǵan biz osy jóninde oıla­nyp kórdik pe? Qalypty kezde saıa­baqtar men vokzal mańyn torýyldap jan baǵatyn ǵaripter qaıda baryp bas saýǵalady? Bul suraqqa qala ákimi Baqytjan Saǵyntaev jaýap berdi. Onyń sózinshe, osynaý qıyn-qystaý sátte shahar bıligi óz azamattaryn nazardan tys qaldyrǵan joq.

 – Turǵylyqty mekenjaıy joq adamdarǵa qatysty saýaldar kóp boldy. Olar dalada qaldy, eshkimge keregi joq, tipti qalanyń syrtyna shyǵaryp jiberdi degen qaýeset te taraǵan bolatyn. Bul másele bizdiń nazardan tys qalǵan joq. Biz olardyń qozǵalysyn udaıy baqylap otyrmyz, – degen ákim atalǵan jandarǵa arnap 300 oryndyq shatyr qalashyq qurylǵanyn málimdedi.

Ákim tilge tıek etkendeı, ǵarip­ter­ge arnalǵan qalashyqta olarǵa kere­ýet, tósek jaı, kıim-keshek, azyq-túlik, jaryq sekildi janǵa qa­jet jaǵdaıdyń bári jasalypty. Ondaǵylar beı-bereket kóshe kezip, indet taralýyna sebepker bolmas úshin shatyr qalashyqtyń aına­la­sy berik qursaýmen qorshaldy. Bir­qatary qaladaǵy qarttar úıine orna­las­ty­ryl­ǵan. Kóńil qýantarlyǵy sol, qala bıligi olardyń arasynan «eńbegin saýyp» azdy-kópti nápaqa tabýǵa nıet bildirgenderdi jumyspen qamtýdyń jol kartasyna sáıkes qyzmetke qabyl­­dap jatqanyn aıtty. Bul óz keze­gin­de, ǵarip jandardy qalypty ómir­ge beıimdeýdiń aıqyn joly.

ALMATY