Jýyrda oblystyq TJ departamentiniń órt sóndirý qyzmeti boıynsha bastyǵy, polkovnık Nurlan Atyǵaev jýrnalısterge brıfıng berip, oblystaǵy órt ahýaly týraly baıandap berdi. Onyń aıtýyna qaraǵanda búginge deıin 5,7 gektar jerdi qamtyǵan 4 orman órti bolypty. Sondaı-aq egis órtteri 400 ga jerdiń qaýyn da órttep ketken. «Biz sharýalardy únemi órtten saqtandyryp otyramyz. Oblysta ondaımen aınalysatyn 206 adamdyq 48 utqyr top bar. Olar búginge deıin 112 reıd jasap, 43 adamdy ákimshilik jaýapkershilikke tartty. Olardyń tólegen aıyppuldary 13 myń teńgeden asyp otyr», dedi polkovnık.
Keıbir egis órtteri keıde aýylǵa deıin jetip, turǵyndarǵa qater tóndirip qalady. Máselen, M.Jumabaev aýdanyndaǵy egisten taraǵan órt jeldiń uıytqýymen «Zolotaıa nıva» men «Izobılnoe» aýyldaryna deıin jetip qalǵan. О́rt sóndirý qyzmeti men erikti órtsóndirgishterdiń birlese qımyldaǵan jumysynyń nátıjesinde órt der kezinde sóndirilgen. Alaıda aýyl shetindegi eshkim turmaıtyn alty úıdi órt sharpyǵan.
Soltústik Qazaqstan oblysy
