Shahardaǵy barlyq 214 ınfraqurylymdyq jobany júzege asyrýǵa 103,9 mlrd teńge bólý kózdelgen. Almatyda aldaǵy ýaqytta 26 myńǵa jýyq jumys orny qurylatyn bolady.
Áleýmettik-mádenı obektilerdi, TKSh obektilerin jáne kólik ınfraqurylymyn kúrdeli, ortasha jáne aǵymdaǵy jóndeý, qaıta jańartý jáne salý jumystary josparlanǵan.
Sonymen qatar, 125 joba eldimekenderdi abattandyrý aıasynda iske asyrylatyn bolady. Bul – aýlalardy, jaıaý júrginshiler aımaqtaryn, skverler men parkterdi qaıta jańǵyrtý jáne abattandyrý.
Almaty ákimi B. Saǵyntaev TJ rejımin engizýge baılanysty jumys istemeıtin qalalyqtardy jumysqa ornalastyrýǵa múmkindik beretin jobalardyń sapaly jáne ýaqtyly júzege asyrylýyn qamtamasyz etýdi tapsyrdy.
Keńeste jańa qurylatyn 26 myń jumys ornynyń 50% -y jumyssyz jastarǵa arnalyp, qala halqyn jumyspen qamtý ortalyqtary arqyly júzege asatyny atap ótildi. Jobalar aıaqtalǵannan keıin 2,4 myńnan astam turaqty jumys oryndary qurylatyn bolady.
Jumyspen qamtýdyń jol kartasyn iske asyrý nátıjesinde 47 jańa nysan, onyń ishinde 31 áleýmettik saladaǵy nysan salynatyn bolady. Jumyspen qamtý ortalyǵynyń saıtynda (http://cz-almaty.kz/) izdeýshiler men jumys berýshilerge ótinim berýge bolady. Búgingi kúni 5964 adam, onyń ishinde 640 adam – qurylys nysandaryndaǵy bos jumys oryndaryna rezıýme berdi.
