Qazaqstan • 24 Sáýir, 2020

Halyqaralyq Túrki akademııasy Bilge Tonykók jylyn jarııalaıdy

444 ret

kórsetildi

1 mın

oqý úshin

Bıyl túrki álemi tarıhyndaǵy daryndy memleket qaıratkeri Bilge Tonykók eskertkishiniń 1300 jyldyǵy IýNESKO deńgeıinde atalyp ótiletini belgili. Osyǵan oraı búgin Halyqaralyq Túrki akademııasy «Tonykók jylynyń» resmı ashylýyn jarııalap, «Uly dala órkenıeti: Tonykók mırasy jáne qazirgi túrki álemi» atty halyqaralyq onlaın vıdeokonferensııa ótkizedi.

Egemen Qazaqstan

Halyqaralyq Túrki akademııasy Bilge Tonykók jylyn jarııalaıdy

Onlaın formatta ótetin konferensııaǵa IýNESKO, Túrki keńesi, Tıýrksoı, TúrkPA uıymdarynyń basshylyǵy men ókilderi, túrki tildes elderiń akademııa basshylary jáne AQSh, Ázerbaıjan, Vengrııa, Germanııa, Qazaqstan, Qyrǵyzstan, Mońǵolııa, Reseı, О́zbekstan jáne Túrkııa elderiniń tanymal túrkolog ǵalymdary qatysady.

Alqaly jıyn barysynda Tonykók eskertkishi mátininiń Halyqaralyq Túrki akademııasy ázirlegen arnaıy jınaǵy tanystyrylady. Biregeı basylymǵa atalǵan eskertkish mátininiń álemniń 12 tilindegi aýdarmasy toptastyrylyp, ǵylymı transkrıpsııasy qosa berilgen.

Aıta ketý kerek, ótken jyly Halyqaralyq Túrki akademııasynyń bastamasymen jáne Ázerbaıjan, Qazaqstan, Qyrǵyzstan, Túrkııa jáne Mońǵolııa memleketteriniń ortaq usynysy negizinde 2020 jyly Tonykók jazba eskertkishiniń 1300 jyldyǵyn IýNESKO aıasynda atap ótýge resmı sheshim qabyldanǵan edi.