«О́ndiris úshin memlekettik qarjylandyrýǵa ıe bolǵan fılmderdi jasaýshylar ulttyq kınony qoldaý memlekettik ortalyǵynyń áleýmettik jelilerinde tikeleı efır sıklyn iske qosty. Kúni búginge deıin jalpyǵa qoljetimdi formatta tek respýblıkalyq uıymdardyń 160-qa jýyq konserti men qoıylymy áleýmettik jelililerge júkteldi. Aldaǵy ýaqytta da bul jobalar óz jalǵasyn tabady», - dedi Aqtoty Raıymqulova.
Mınıstrdiń aıtýynsha, «Qazaqfılm» kınostýdııasy resmı Youtube arnasyna «Altyn kıno qor» jobasymen - 1938-2002 jyldarǵa deıin túsirilgen 60-tan astam fılmderin júktedi. Búgingi kúni osy Youtube arnasyndaǵy kórermen sany 10 mln-nan asqan.
«Ár demalys kúnderi KTK telearnasynyń «Domashnıı seans» kınomarafony aıasynda ótken 15 jyl ishinde túsirilgen úzdik qazaqstandyq kartınalar 24 mamyrǵa deıin ázirlengen. Budan basqa, mınıstrliktiń bastamasymen «Qazaqfılm» AQ qoryndaǵy 223 ulttyq fılm Habar, Qazaqstan, Elarna, Kazakh TV, KTK, Jetisý telearnalaryna aqysyz negizde berilip otyr»,- dedi mınıstr.
