«Azala tekstıl» fabrıkasyna shıkizatty aýdandaǵy «Myrzakent» maqta óńdeý zaýyty jetkizedi. Iаǵnı medısınalyq betperdeler Maqtaaraldyń maqtasynan tigilgen. Qazirgi tańda aýdanda 7 tigin sheberhanasy kúnine 4 myńnan astam betperde tigip, 17 dárihanaǵa 70-80 teńgeden ótkizedi eken. О́z kezeginde dárihanalar ónimniń baǵasyn 100-120 teńgeden asyrmaýy tıis.
Al Saıram aýdanynda kásipker Sıhymbaı Ýalıhanuly «BizBirgemiz» aksııasy aıasynda 2 mln teńge qarjy bólip, qaıyrymdylyq tanytty.
Aýdandyq máslıhat depýtaty jalǵyzilikti qarttar men qamqorlyqty qajet etetin azamattarǵa turmysqa qajetti zattar jáne azyq-túlik pen et ónimderin jetkizdi. Osylaısha bir kúnde 70 otbasyǵa kómek berildi.
Keles aýdanynan saılanǵan oblystyq maslıhat depýtaty Jańabaı Aǵabekov te izgi isten shet qalmady. Koronavırýs indetine qarsy kúreske qarjylaı qoldaý bildirip, «BizBirgemiz» respýblıkalyq qoryna 1 mln teńge aýdarǵan depýtat bul joly óz qarjysyna Keles aýdanyndaǵy 200 otbasyǵa 1,5 mln teńgelik azyq-túlik jiberip, qamqorlyq kórsetti.
