Ol úshin jabyq arna arqyly beınekonferensııa baılanysy paıdalanylady. Oblystaǵy 12 aýmaqtyq ýaqytsha ustaý ızolıatory (ÝUI) barlyǵy qajetti apparatýramen jabdyqtalǵan. Búgingi kúni Petropavl qalalyq soty sanksııa shyǵarýdyń vırtýaldy múmkindigin 51 ret, aýdandyq sottar - 7 ret paıdalanǵan. Máselen, Mamlıýt aýdany ortalyǵynyń 32 jasar mas turǵyny kólik júrgizgeni úshin buryn basqarý quqyǵynan aıyrylsa da, kólikke taǵy minip, jeke menshik úılerdiń biriniń qorshaýyn soqqan. Anyqtaýshylar isti elektrondyq formatta tergedi. Qajetti qujattar toltyrylǵan soń, birden qamaýǵa sanksııa berildi. Árbir prosedýra jyldam oryndaldy ári qadaǵalaý organdarymen ózara is-áreket jasaýǵa qoljetimdi boldy. Qazirgi ýaqytta sıfrlyq is sotqa tapsyryldy. Is-áreketinen adam zardap shegýi múmkin kúdikti avtomobıl basqarý quqyǵynan ómir boıyna, bas bostandyǵynan 6 jylǵa deıin aıyrylýy múmkin.
«Elektrondyq qylmystyq is» prosesti jedeldetedi ári jeńildetedi, tergeý sapasyn arttyryp, sybaılas jemqorlyq táýekelderin tómendetedi, - deıdi SQO PD Tergeý basqarmasynyń bastyǵy, polısııa polkovnıgi Qaırat Qasymbekov. «Oblystyq apparatta isterdi sıfrlyq túrde júrgizý úshin 76 jumys orny jabdyqtaldy. Atalǵan jumys oryndarynda anyqtaýshylar men tergeýshiler, sondaı-aq óz quzireti sheginde krımınalıster de, ákimshilik jáne jergilikti polısııa qyzmetteriniń qyzmetkerleri de jumys isteıdi. Jas qyzmetkerlerdi úıretý udaıy júrgizilip turady, jyl basynan «E-qylmystyq ispen» jumys isteý daǵdysyn 46 adam ıgerdi», deıdi ol.
Jyl basynan «E-qylmystyq is» júıesinde 2631 óndiris júrgizilgen. Qazir qylmystyq isterdi júrgizýdi tolyǵymen elektrondy formatqa kóshirý josparlanǵan.
Soltústik Qazaqstan oblysy
