Keshe «Semeı ormany» rezervatynyń Besqaraǵaı aýdany aýmaǵyndaǵy Dolon fılıalyna qarasty Baıdáýlet ormanshylyǵynda saǵat 15:00 kezinde órt shyqqanyn, shamamen 100 gektar aýmaqty qamtyǵanyn jazǵanbyz. Alaıda kúnniń ysyp ári jel turýyna baılanysty qaraǵaıly ormandaǵy órt órship, búgin tústen keıin áreń degende sóndirildi.
Aýyl sharýashylyǵy mınıstrliginiń Orman sharýashylyǵy jáne janýarlar dúnıesi komıtetiniń baspasóz hatshysy Sáken Dildahmet tańerteń óziniń feısbýktegi paraqshasynda qyzyl jalyn 2 myń gektar ormandy sharpyǵanyn, órtti sóndirýge 88 tehnıka men 293 adam jumyldyrylǵanyn, «QazAvıaOrmanQorǵaý» mekemesiniń eki tikushaǵyna (MI-2, MI-8) qosa Kókshetaýdan 30 áskerı mingen álemdegi eń úlken tikushaq Mı-26T ushyp shyqqanyn habarlaǵan-dy.
Iá, jáı tikushaqtar bir mezette 2 jarym tonnaǵa deıin sý tókse, bul tikushaq bir mezette 10 tonna sý shashady.
Jalpy, kóp fýnksııaly reseılik tikushaq órt sóndirýmen qatar 20 tonnaǵa deıingi tehnıkalar men iri gabarıtti júkterdi de tasymaldaı alady eken. Máselen, osy markadaǵy tikushaq 1999 jyly 20 myń jyl buryn ólgen mamont pen muzdyń 20 tonnalyq kesegin tasymaldaý úshin qoldanylǵan eken.
Shyǵys Qazaqstan oblysy,
Besqaraǵaı aýdany
