Aýdandyq aýrýhanaǵa jetkizilgen ony Qyzyljarǵa aparý uzaq ýaqyt alatyndyqtan oblystyq aýrýhananyń hırýrg mamandary sanıtarlyq avıasııamen ushyp baryp, aýdandyq aýrýhanada ota jasaǵan. Bárin uıymdastyryp, otany jasaǵan aýrýhananyń kópsalaly ortalyǵynyń jetekshisi hırýrg Rýslan Ábetov. Sátti jasalǵan ota barysynda naýqastyń qarnynan báki men ottyq alynyp, oryny tigilgen. Qazir onyń jaǵdaıy qalypty. Alǵashynda eshkimmen sóılespegen ol qazir psıhologııalyq stressten arylyp, tilge kelgen.
«Azamattyń psıhıkalyq aýytqýlyǵy joqtyǵy, eshqandaı dıspanserde esepte turmaıtyndyǵy da anyqtaldy. Oqys áreketke úı ishindegi janjal ǵana sebep bolǵan degen alǵashqy qorytyndy shyǵarylǵan», deıdi oblystyq densaýlyq saqtaý basqarmasynyń baspasóz qyzmeti.
Sóıtip, aıdyń kúni amanynda oqystan kelip qalǵan ajaldan bir azamat áýpirimmen aman qaldy.
Soltústik Qazaqstan oblysy
