Medısınalyq ortalyqtyń dırektory Seıithan Joshybaev emhanada 7 bólim, 65 stasıonarlyq tósek bar ekenin, medısına qyzmetkerleri 74 adam, onyń ishinde 20 dáriger bar ekenin aıtty. Ǵylymı ortalyq negizinen memlekettik tapsyrys boıynsha jumys isteıdi. Basqa medısınalyq qyzmetterdi qospaǵanda, munda jylyna 300-ge deıin júrekke ota jasalady. Ortalyq osyǵan uqsas sheteldik medısınalyq mekemelermen iskerlik baılanysta. Onyń negizinde onlaın rejımde konferensııalar men semınarlar ótkizýdi dástúrge aınaldyrǵan. Oblys ákimi ortalyq qyzmetkerleriniń jumystaryna sáttilik tiledi.
Budan keıin Berdibek Saparbaev «Temir-Baılyq» óndiristik kásipornyna bardy. Kásiporyn metall konstrýksııalar men shaǵyn sáýlet formalaryn shyǵarady. Qazirgi ýaqytta atalǵan kásiporyn Taraz qalasy ákimdiginiń tapsyrysymen avtobýs aıaldamalary, balalar men sport alańdarynyń óndiristik qurylymdaryn daıyndaýda. Munda búginde 20-dan astam adam jumys isteıdi. Alaıda olardyń jalaqylarynyń azdyǵy másele bolyp tur. Oblys ákimi kásiporyn dırektoryna jumysshylardyń eńbegin laıyqty túrde baǵalap, yntalandyrý kerektigin basa aıtty. Sondaı-aq, ákim «Tarazvodstroı» kásipornyna da arnaıy bardy. Qazirgi ýaqytta kompanııa joldar salý jáne qıyrshyq tasty jáne qum óndirýmen aınalysady. Kásiporyn dırektory Erlan Sarybaev aldaǵy ýaqytta beton óndirýge nıetti ekendigin jetkizdi. Berdibek Saparbaev kásiporyn basshylyǵyna tenderlerge belsendi qatysýǵa jáne óndiristi damytý jóninde keńes berdi.
Jambyl oblysy
