Osyǵan oraı bıyl, 27 sáýirde Memleket basshysy Qasym-Jomart Toqaev Qazaqstan halqyna kópten kútken málimdeme jasady.
Prezıdent eldiń basyna túsken aýyrtpalyqqa nazar aýdara otyryp, «...qazirgideı kúrdeli kezde árbir azamat bizdiń nazarymyzda bolady. Memleket eshkimdi qıyndyqta qaldyrmaıdy», – dep astyn syzyp aıtty.
Málimdemede elde bolyp jatqan jaǵdaıǵa baılanysty qandaı is-sharalar jasalynyp jatqandyǵy, osy turǵyda halyqqa, jumysshylar men shaǵyn jáne orta bıznes ókilderi jáne basqa da túrli áleýmettik toptarǵa berilgen kómek pen bólingen qarjy jóninde qysqasha esep berilip, Tuńǵysh Prezıdent – Elbasy qurǵan «Birgemiz» qory men «Nur Otan» partııasy tarapynan bolyp jatqan kómek jaıynda aıtyldy.
Ásirese, Prezıdent Q-J. Toqaevtyń «Elimizde azyq-túlik tapshylyǵy joq», – degen sózi, jaqsylyqtan úmit kútken kóp adamnyń júregine jyly tıgeni anyq.
Osy tilsiz jaýmen, kórinbeıtin maıdanda arpalysyp júrgen dárigerler qaýymynyń ólsheýsiz eńbegin ataı otyryp, olarǵa úkimet tarapynan berilip jatqan erekshe qoldaý jóninde aıtty.
Bul úndeýde eldegi koronavırýs jaǵdaıynda qozǵalǵan máseleler men ony sheshý joldarynyń barshasy tilge tıek etildi dese de bolady.
Málimdemedegi Prezıdenttiń «Tótenshe jaǵdaı rejımin bıylǵy 11 mamyrǵa deıin uzartý týraly Jarlyq shyǵarý jóninde sheshim qabyldaý jáne sonyń negizinde Zańǵa sáıkes 11 mamyrda Tótenshe jaǵdaı rejımi aıaqtalady», – deýi, halqymyzǵa qýańshylyqtan keıin kelip jaýǵan, kópshiliktiń kópten kútken ıgilikti jańbyryndaı bolǵany anyq.
Ár nárseniń bir qaıyr bolady, el arqasy osy izgi habardan keıin bir keńip qalǵandaı áser qaldy.
«Jumyla kótergen júk jeńil» demekshi, halyq bolyp osy málimdemedegi Prezıdent aıtqan talaptar men qarapaıym erejelerdi buljytpaı oryndap, qaterden aman shyǵý bizdiń – ıaǵnı, barsha ulttyń óz qolynda.
Sol sebepti, bir jaǵadan qol, bir jeńnen bas shyǵara otyra, Prezıdent úndeýin shamshyraq qyp ustap qıyndyqty birlese jeńip shyǵatynymzǵa senimimiz mol.
Baýyrjan YDYRYSOV,
Memleket tarıhy ınstıtýtynyń ǵylymı qyzmetkeri,
tarıh magıstri
