Sábı - osyǵan deıin vırýsty juqtyrǵan naýqastyń uly. Qaýipti dert anyqtalǵan adammen qarym-qatynasta bolǵandyqtan karantındik stasıonarǵa jatqyzylyp, zerthanalyq synama alynǵan bolatyn. PTR dıagnostıkalyq zertteý qorytyndysymen COVID-19 dıagnozy naqtylandy. Qazirgi tańda naýqastyń jaǵdaıy qanaǵattanarlyq. Bekitilgen hattamaǵa sáıkes tıisti em júrgizilýde. Naýqaspen qarym-qatynasta bolǵan adamdar anyqtalyp, barlyǵy medısınalyq baqylaýǵa alynýda, delingen MO qoǵamdyq kommýnıkasııa ortalyǵy taratqan aqparatta.
28.04.2020 j. jaǵdaı boıynsha óńirde barlyǵy 32 adamnan COVID-19 vırýsy anyqtaldy: Aqtaýda – 18; Jańaózende – 4; Mańǵystaý aýdanynda – 4; Munaıly aýdanynda – 3; Qaraqııa aýdany – 3; Jazylyp shyqqany – 7; Qaıtys bolǵany – 1.
